داڵاهۆ

0
397

✍سەردار زەنگنە

✰داڵاهۆ☆

داڵاهۆ ماواێ مەردان خاسە
مەڵوەن موریدان حەقیقەت ناسە

خەڵکێ جۆر”شاهۆ “مدام سەربەرزن
بێ مەدح وگەزاف گشت ڕوسەم تەرزن

بنۆڕ”ڕێژاو”و “گەهوارە”و “کرن ”
هەرکام یەێ بەهەیشت ڕەنگینی درن

سڵاو لە خەڵکێ ڕای حەق شناسێ
لە پیر و گەورەیل خاکی و خاسێ
خاکێ بهشتە و سەرچەشمەێ نۊرە
مردە حەی کەێ دەنگ هۆ و تەمۊرە
باخاتێ چمان باخات بەهەیشتە
باب سەیران وسەفاو گێڵ گەیشتە
داڵاهۆ پڕە لە پیایل نامی
ئارامی ڕۆحن” زەردە”و “تۊشامی”
خاندانەیل خاس هەرکام وجاخن
ڕەهنما وڕەهبەر، پەێ خەڵک چراخن
یاران حەق ناوان گجاێ هەس مەشهوور
“سەید براکە”و “یاگار “و “تەیموور”
کام زات گەورە هەس چەن “سولتان سەحاک”
پەێ ڕاێ حەق شەیداو لە مردن بێ باک
داڵاهۆ ماواێ خاسان و مەردە
ویشەو جەوڵانگاێ شێران زەردە
ناوخاسان ڕەسی تا وە کەو کەوی
“حەسەن مەقسوودی” و “ئەردە خەسرەوی”
زوان زەنگنە لەنگە پەێ اوصاف
شێعرم ڕێخێگە لەلاێ قوللەی قاف

میلکان” گۆران”، زێد “سیمانی”
تۆ دیارهونەر، قوبڵەی ئیمانی

ماوای” قەڵخانی” ومەسکەن” سنجاوی ”
ئەڕا گشت کوردێگ گلێنەی چاوی

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.