زیندانیەکی کورد بۆ ناڕەزایەتی دەربڕین بۆ ئازادنەبوونی بەدوای تەواوبوونی ماوەی سزای بەسەرداسەپاوی، سەری خۆی لە گەچ گرت.
ڕۆژی کورد: “ئومید ڕەحمانی” زیندانیی کوردە کە ماوەیەکە سزای زیندانییەکەی تەواو بووە، بەڵام بەرپرسانی زیندان نەتەنیا ئازادیان نەکردووە بەڵکو داوای ١٥٠ میلیۆن تمەنی دەکەن و تەنانەت ئیزنی مورەخەسییان پێی نەداوە و ئیزنی پێنەدراوە سەردانی بنەماڵەکەی بکات.
بەرپرسانی زیندان لە جیاتی پێڕاگەیشتن بە دۆخ و داواکاری ئەو زیندانییە کوردە، دوای ئەو هەوڵەی ئومید، ناوبراویان بۆ ژووری تاکەکەسی ڕاگواستەوە.
ئومید ڕەحمانی ساڵی ١٣٩٠ی هەتاویەوە لە زیندان دایە و بارودۆخی دەروونی زۆر ناجێگیرە و هەڕەشەی کردووە ئەگەر ئەم هەوڵان کاریگەر نەبوون لە بەرچاوی بەرپرسانی زیندانەوە هەوڵی خۆسووتان دەدات.
ئومید ڕەحمانی لە ساڵی ١٣٩٢ و ١٣٩٣ی هەتاوی بە تۆمەتی “پڕوپاگەندا دژی نیزام” بە٣ مانگ و یەک ڕۆژ زیندان مەحکووم کرا.
