ڕەوشی خرابى زیندانى سیاسی کورد ئەفشین سوهراب زادە لە پێنجەمین ڕۆژى مان گرتنى دا

0
631

ڕۆژی کورد: ئەفشین سوهراب زادە، زیندانی سیاسیی کورد، خەڵکى شارى کامیاران دواى دەست بەسەر کردنى لە ساڵى ١٣٨٩ی هەتاوى کە دەگوترێ لە لایەن شەهرام ڕەحیمى جێگرى ئەوکاتى ئیتلاعات لە کامیاران بە توندى ئەشکەنجەو ئازار دراوەو دواترلە دادگایەکى شارى سنە کە تەنیا لە ماوەى ١٠ خولەک دا بەڕێوە چوو، بە تۆمەتى شەڕ لە گەڵ خودا لە ڕێگەى ئەندام بوونى لە یەکێک لە حیزبە کوردییەکانى دژبەرى کۆمارى ئیسلامى تاوانبار کراو دواتربە ٢٥ ساڵ زیندان مەحکوم و بۆ زیندانى شاری میناب دوورخرایەوە.

لە ماوەى دەست بەسەر کرانی ئەفشین و دواى ئەشکەنجەو ئازارێکى زۆر، تووشی زۆر گرفتى تەندروستى دەبێت و بە هۆى کەمتر خەمى بەرپرسان لەو چارەسەرى ئەو گرفتانە ڕۆژ بە ڕۆژ لە زیاد بوندایە.

ئەفشین لە نامەیەک دا کە پێشتر بۆ ئەحمەد شەهید نوێنەرى نەتەوە یەکگرتوەکان بۆ کارو بارى مافى مرۆڤ لە ئێران، نووسیبوویدەڵێ تا ئەو شوێنەى کە لە بیرمە بەر لە زیندانى کرانم هیچ گرفتێکى تەندروستىم نەبووە، دواى دەست بەسەرکرانم لە لایەن دەزگاى ئیتلاعاتى سنە لە بەر لێدان و ئازار و ئەشکنجەى جیاجیا، قتقم دڕا و بە هۆى ئەوەى درەنگ نەشتەرگەرىم بۆ کراوە و دواى نەشتەرگەریش هەر ئەو ئەشکەنجەو ئازارانە بەردەوام بوون هەر بۆیەش ئێستا جیا لە شێرپەنجەیڕیخۆڵە و فتق و شکانى لووت تووشی ئازارى زۆر شوێنى تر لە لەشمدا بووم.

ئەفشین ئێستا لە زیندانى شاری میناب بۆ ماوەى پێنج ڕۆژە کە لێوەکانى درووەو مانى گرتوە بۆ ئەوەى بەرپرسان سەرنج بە تەندروستى ئەو بدەن بەڵام تا ئێستا هیچ وڵامێک نەدراوەتەوەو ئەفشین ئێستا خوێن بەربوونى ناوخۆى لەشی هەیە  و بەردەوام تووشی تەنگە نەقەسی دەبێت.

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.