ڕۆژی کورد: هاوکات لەگەڵ کۆبوونەوەی ساڵانەی ڕێکخراوی جیهانیی کار ( ILO ) کە لە ڕۆژانی 30ی مەی هەتا 11ی ژوئەنی 2016 سەدوپەنجاهەمین کۆبوونەوەی خۆی لە شاری ژنێڤ و بە بەشداریی 186 وڵات بە ڕێوە دەچێ؛ چالاکیەکی ناڕەزایی بە بۆنەی بەشداریی نوێنەرانی دژەکرێکاریی کۆماری ئیسلامی لەو کۆبوونەوەیە بە ڕێوە چوو.
شایانی ئاماژەیە کە لە کۆبوونەوەی ساڵانەی -ILO- ، لە لایەن کۆماری ئیسلامییەوە، سێ گرووپ بەشدارییان پێ کرابوو کە بریتی بوون لە: نوێنەرانی وەزارەتی کاری کۆماری ئیسلامی، نوێنەرانی خاوەنکارەکانی سەر بە ڕژێم و گرووپێکی هەڵبژاردەی بەسیجی کرێکاران هەر بۆیەش ڕێکخراوە کرێکارییەکان چالاکییەکیان دژ بەو بەشدارییەی کۆماری ئیسلامی وەڕێختست.
ئەو چالاکییە ناڕەزایەتییە بە بەشداریی ئەنجومەنی نوێنەرانی حیزبەکان، ڕێکخراو بنەکە چەپ و کومۆنیستەکانی ئێران بە ڕێوە چوو.
ئەو خۆپیشاندانە لە بەر دەم دەرگای نەتەوە یەکگرتوەکان و ڕێکخراوی جیهانیی کار بۆ ماوەی سێ کاتژمێر بە دروشمی جۆربەجۆر و بە ناڕەزایەتی لە ئامادەبوونی ئەو سێ گرووپە درێژەی خایاند.
شایانی باسە نزیک بە 30 گرووپی سیاسی و کرێکاری و چەپ بەشداری ئەو ئاکسیۆنە بوون کە کۆمەڵەی شۆڕشگێڕی زەحمەتکێشانی کوردستانی ئێرانیش یەک لەوان بوو.
لەو ئاکسیۆنەدا گرووپەکان بە نۆبە پەیام و وتاری خۆیان خوێندەوە و هەروەها پەیامێکی 14 مادەیی بە دوو زمانی فارسی و فەرانسەیی خوێندرایەوە.
