ڕۆژی کورد: بەپێی زانیارییەکانی ڕۆژی کورد، دۆخی جەستەیی “سەباح سەمەدی”، یەکێک لە جاشە برینداربووەکانی شەڕی سەوڵاوا زۆر نالەبارە و پزیشکەکان هیوایەکیان بە مانی نیە.
ئەمڕۆ پێنج شەممە ٢٣ی پووشپەڕ، پاسدار محەممەد حسێن ڕەجەبی، فەرماندەی قەرارگای پارێزگایی شەهرامفەر لە نەخۆشخانەیەک لە شاری سنە سەردانی ئەو برینداربووەی ڕژیم لە شەڕی سەوڵاوای کرد.
شایانی ئاماژەیە کە جاش سەباح سەمەدی لە حاڵەتی کۆمادایە و توانایی جووڵە و قسە کردنی نیە و پزشکەکانی نەخۆشخانەی سنە ڕایانگەیاندووە هیچ هیوایەک بە مانی نیە.
هەروەک پێشتر لە بەشی هەواڵی ناوەندی ڕۆژی کورد ڕاگەیێندراوە، ڕژیم لە نەخۆشخانەی بێعسەت لە شاری سنە و هەروەها لە نەخۆشخانەی سەوڵاوا بەشی تایبەتی بۆ بریندارەکانی شەڕی کۆساڵان وسەوڵاوا پێکهێناوە و کەس ئیزنی نیە بچتە ئەو بەشە و تەنانەت پزشکی تایبەتی بۆ دابن کراوەو هەموو پزشک و پەرستارەکان مافی چوون بۆ ئەو بەشەیان نیە.
