ڕۆژی کورد: ئەمڕۆ هەینی ٤ی پووشپەڕ و دوای ئەوەی کە زۆرینەی خەڵکی بریتانیا دەنگیان دا بە هاتنە دەری بریتانیا لە یەکگرتووی ئوروپا، دەیڤید کامێرۆن، سەرۆک وەزیرانی بریتانیا ڕایگەیاند، لە پۆستەکەی خۆی کشاوەتەوە و وازی هێناوە.
کامێرۆن لە وتووێژێک لەگەڵ هەواڵنێرەکان و لە هەمبەر داونیگ سترین، ئەو هەواڵەی ڕاگەیاند و گوتیشی پێشتر لەمەڕ ئەو پرسە لەگەڵ شاژنی بریتانیاش دواوە.
کامێرۆن هەروەها ڕایگەیاند، لە کۆنفرانسی داهاتووی حیزبی موحافزەکاردا کە مانگی ئۆکتۆبر بەڕێوە دەچێ، ڕێبەری داهاتووی ئەو حیزبە هەڵدەبژێردرێ و ئەو کات، ئەو لە پۆستەکەی خۆی دەکشێتەوە.
شایانی ئاماژەیە کە کامێرۆن لایەنگری چڕوپڕی مانەوەی بریتانیا لە یەکگرتووی ئوروپا بوو بەڵام بەو حاڵەشەوە رایگەیاند، دەبێ ڕێز لە دەنگ و ڕای خەڵک بگرین.
سەرۆک وەزیرانی بریتانیا هەروەها گوتیشی: “من وا بیر دەکەمەوە کە بۆ داهاتووی ئەو وڵاتە ڕێبەر و پێشڕەوێکی باش نیم.”
