سامان قادری ئازەر دوای ٥ مانگ هێشتا لە زیندانی ئێڤین ـە و چارەنووسی ناڕوونە

0
1025

ڕۆژئ کورد: به‌ تێپه‌ڕبوونی‌ زیاتر له‌ 5 مانگ به‌سه‌ر ده‌سبه‌سه‌ركرانی‌ سامان قادری‌ ئازه‌ر، ناوبراو هێشتا له‌ بەندی تاکەکەسیی به‌ندی‌ ٢٤٠ی‌ ‌ به‌ندیخانه‌ی‌ ئێڤین بەند کراوە.

سامان قادری ئازەر کوڕی غەفوور، وێنەگری تەمەن ٢٥ ساڵەی کوردی شاری بۆکان کە لە ڕێکەوتی ٢٣ی بەفرانباری ساڵی ٩٤ و لە شوێنی کارەکەی دەستبەسەر کراو لەلایەن هێزە ئیتلاعاتییەکانی بۆکانەوە بۆ شوینێکی نادیار ڕاگوازرابوو، دوای سێ مانگ بێ هەواڵی لە شوێن و باروودۆخەکەی، ڕێکەوتی ١٤ی بانەمەڕ لە ڕێگای تەلەفوونەوە بنەماڵەکەی لە شوێنی ڕاگیران و دەست بەسەر بوونی ئاگادار کراونەتەوە بەڵام لە ماوەیەدا تەنیا یەک جار دایكی‌ توانیویه‌تی‌ چه‌ند خولەک چاوی‌ پێی‌ بكه‌وێ.

بەرپرسانی ئیدارەی ئیتلاعاتی ورمێ ڕێکەوتی ١٤ی بانەمەڕی ١٣٩٥ی هەتاوی لە رێگای تەلەفوونەوە بنەماڵەی قادری ئازەر یان ئاگادار کردۆتەوە کە کوڕەکەیان ٨ ڕۆژ بەر لەو ڕێکەوتە بۆ تاران ڕاگوازراوە.

لە ماوەی ئەو ٥ مانگەدا،  تا ئێستاش سامان دادگایی نه‌كراوه‌ و هەروا لە بەندیخانەی ئێڤین و بێ چارەنووس لە بەندیخانەی ئێڤین دەستبەسەرە.

سامان قادری‌ ئازه‌ر به‌ هۆی‌ نه‌خۆشیی مێعده‌ و ده‌زگای‌ هه‌ره‌س پێویستیی به‌ چاره‌سه‌ری پزیشکی له‌ ده‌ره‌وه‌ی‌ زیندان هەیە.

شایانی باسە ئه‌م چالاكه‌ مه‌ده‌نییه‌ به‌ تۆمه‌تی‌ پێوه‌ندی‌ و هاوكاریكردنی‌ حیزبێکی‌ كوردیی دژبەری ڕێژیم ده‌سبه‌سه‌ر كراوه‌.

سه‌رنج و كۆمێنت

كۆمێنت