دوای تێپەڕ ىوونی حەفتا ڕۆژ لە دەست بەسەر بوونیحافز عەبدوڕڕەحیم کوهی، بنەماڵەی ناوبراو دوای چەند جار سەردان و چوون بۆ شاری زاهدان، هێشتا نەیانتوانیوە کوڕەکەیان ببینن.
بە پێی زانیارییەکان، ئیبراهیم کوهی، باوکی بەتەمەنی حافز، لە ڕۆژی دوێینێوە هەروا لەبەر دەرگای ستادی هەواڵدەری شاری زاهیدان، چاوەروانی پێدرانی مۆڵەتە بۆ سەردان و دیتنی کوڕە دەست بەسەر کراوەکەی.
شایانیئاماژەیە کە حافز عەبدووڕڕەحیم کوهی، کوڕی ئیبراهیم لە ڕێکەوتی ٢٨ی خەزەڵوەری ئەو ساڵدا لەگەڵ چالاکوانێکی تری ئایینی بەلووچ بە ناوی مەولوود ئەمانووڵلاهی بەلووچی کوڕی حەبیبووڵا، دەست بەسەر کراون و تا ئێستاش ئیزنی سەردان بە بنەماڵەکەیان نەدراوە.
بیانووی بەرپرسان بۆ ئیزن نەدان بە بنەماڵە و باوکی حازف کوهی کە لە دۆینێوە لە بەر دەرگای ستادی هەواڵدەری زاهیدان چاوەڕوانی پێدرانی مۆڵەتە بۆ دیتنی کوڕەکە، تەواو نەبوونی پەروەندە و فایلی حافزـە.
بەرپرسانی زیندان بە باوکی حافز کوهیان کوتووە، کە دەتوانی دوای بیست ڕۆژی تر بۆ دیتنی کوڕەکەی سەردانیان بکاتەوە.
شایانی ئاماژەیە کە ئەو دوو کەسە بەلووچە هەر دووکیان مەلای ئایینین.
شایانی ئاماژەیە کە سزا و تاوانی سیاسی لو چەند ڕۆژەی ڕابردوودا بۆ یەکەمجار لە ئێران پێناسە کراوە و هەروەها باس لە مافی زیندانییە سیاسییەکان کراوە، بەڵام پێدەچێ ئەو یاسایەش وەک زۆرینەی یاساکانی ئێران هەر لە توێی لاپەڕەیەکدا بمێنێتەوە و گارانتی جێ بە جێ کردنی نەبێ.
