وەزیری بەرگری ئامریکا: چاوەدێری ڕێکەوتنە ئەتۆمییەکەی ڕێژیمی کۆماری ئیسلامی ئێران دەکەین

ئاشتۆن کارتر، وەزیری بەرگری ئامریکا رۆژی شەممە ڕایگەیاند، ئامریکا چاوەدێری ڕێکەوتنە ئەتۆمییەکەی ڕێژیمی کۆماری ئیسلامی دەکا.
ناوبراو ڕایگەیاند، هیوادارین ڕێژیمی کۆماری ئیسلامی دەس لە سیاسەتە شوومەکانی لە ناوچەکەدا هەڵبگرێ کە نەبێتە هۆی نیگەرانی هاوپەیمانەکانمان لە ناوچەکەدا.
وەزیری بەرگری ئامریکا، کە لە سەردانێک لە سەربازە ئامریکاییەکان لە ئیمارات وتەکانی پێشکەش دەکرد ڕایگەیاند، ئەرکی ئێمە و سەربازەکانمان لە ناوچەکەدا ڕێگرتنە لە کارە نهێنییەکانی کۆماری ئیسلامی لە ناوچەی رۆژهەڵاتی ناوەڕاست دا.
وەزیری بەرگری ئامریکا، بە مەبەستی دێڕاسەت کردن لە بەرامبەر داعش دا گەیشتۆتە وڵاتی ئیمارات، ناوبراو بڕیارە لە رۆژی پێنج شەممەی داهاتوودا لە کونفرانسی هاریکاری وڵاتانی خەلیج لە گەڵ بارەک ئۆباما سەرۆک کۆماری ئامریکابەشداری بکا.
ئاشتۆن کارتر، سەبارەت بە ڕێکەوتنە ئەتۆمییەکەی لە گەڵ ڕێژیمی کۆماری ئیسلامی وتی: ڕێکەوتنەکە لە کاناڵێکی چاک دا دەچیتە پێش، بەڵام دەبێ کۆماری ئیسلامی لە گەڵ ڕێکەوتنەکەدا خۆ گنجاندنی هەبی.
وەزیری بەرگری ئامریکا لە نێو سەربازەکان دا لە ئیمارات دووپاتی کردەوە، ئەرکی ئێوە ڕێگرتنە لە دەستێوەردانەکانی کۆماری ئیسلامی لە ناوچەکەدا لە بەرامبەر هاوپەیمانەکانی ئێمەدا، وەزیری بەرگری ئامریکا هەروەها بڕیارە سەردانی چەند بنکەیەکی دیکەی سەربازی لە وڵاتانی خەلیج دا بکا.

سه‌رنج و كۆمێنت

كۆمێنت