بە گوێرەى ئاژانسی هەواڵنێرى ئینترفاکس یەکێک لە کاربەدەستانى ئێرانى ئاشکراى کردوە کە وەفدێکى ڕاوێژکارانى لەشکرى کۆمارى ئیسلامى ئێران ئێستا لە مۆسکۆن بۆ گفتگۆ کردن لە بارەى بابەتەکانى لەشکرى پەیوەندیدار بە دو وڵاتەوە.
لە دریژەى هەواڵەکەى ئینتر فاکس باس لە پەرە پێدانى پەیوەندیەکانى لەشکرى ئێران و روسیە دەکات و هەروەها وەفدەى لەشکرى وەزارەتى بەرگرى هەردولا هەمو هەفتەیەک لە چاوپێکەوتن دان.
شایانى باسە دەست پێکردنى هێرشی ئاسمانى روسیە بۆ سەر سوریە و ئامانج گرتنى دژبەرانى ئەسەد دواى سەردانى قاسم سلێمانى و دیدارەکانى لە گەڵ پۆتین و کاربەدەستانى لەشکرى ئەم وڵاتە دەست پێکرد. هەروەها عەلى ئەکبەر ولایەتى ڕاوێژکارى نێونەتوەى خامنەى لە چەند ڕۆژى رابردوو سەردانى روسیاى کردبوو باسى لە پەرەپیدانى زیادترى پەیوەندیەکانى لە هەموو بوارەکان بە تایبەتى لەشکرى و ئستراتیژیک کرد.
هیرشەکانى ئەم دواییەى بۆ سەر شارى حەلەب هاوپەیمانى ئێران و روسیە بە باشی هەولەکانى ئەم وڵاتانە بۆ دەست تیوەردان لە کارو بارى وڵاتى سوریە لە بەرامبەر ڕۆژئاوا و پاراستنى ئەسد نیشان دەدا . روسیە لە هەوا ئێران و هێزەکانى ئەسەد لە زەوىىەوە هیرشیان کردە سەر ناوچەکانى شارى حەلەب کە مەترسی ئاوارە بونى نزیک نیو ملیون مرۆڤی لێکەوتەوە.
