ئەحمەد داود ئۆغلو سەرۆک وەزیرانى تورکیە بۆ یەکەم جار وەکو سەرۆک وەزیرى تورکیە سبەى ٤ مارس سەردانى ئێران دەکات و لە گەڵ سەرۆک کۆمارى ئێران روحانى کۆدەبێتەوە.
بە گویرەى ئاژانسەکانى هەواڵدەرى رەوشی سوریە بابەتى سەرەکى کۆبونەوەکان دەبێت و لەو بوارە وەک دو دراوسێ خاوەن ڕوانگەى جیاواز گفتگۆ دەکەن بابەتێکى تری باس و گفتگۆ لە سەر وەبەرهینان و پەیوەندیە بازرگانیەکان بە تایبەتى لە بوارى وزە دەبێت.
تورکیە بەردەوام نیگەرانى خۆى سەبارەت بە هەبونى هیزەکانى ئێرانى لە سوریە رایگەیاندوە پشتوانى لە سوریەى بێ ئەسد دەکات و ئێران بە توندى پشتیوانى ئەسەد دەکات لەو ڕووە ئەم سەفەرە بە گرنگ دەنرخێنت و وەکو دو هێزى ناوچەى کاریگەریان لەسەر بابەتەکانى ناوچەى ڕۆژهەلات هەیە و لە نێوەندەدا بایەتى کورد بە گشتى و بە تایبەتى لە سوریە دور نیە لە ئەجینداى باسەکان .
