نافه‌رمانیی مه‌ده‌نی له‌ كوردستان و مانگرتنی گشتی له‌ ٢٢ی پووشپه‌ڕ دا ، وتووێژێك له‌ گه‌ڵ كه‌ریم په‌رویزی

0
86

له‌ پێوه‌ندی به‌ مانگرتنی گشتیی خه‌ڵكی كوردستانی ڕۆژهه‌ڵات له‌ ڕۆژی ٢٢ی پووشپه‌ڕ و هه‌روه‌ها نافه‌رمانیی مه‌ده‌نی  له‌ كوردستان ، ڕۆژی كورد ئه‌و وتووێژه‌ی له‌ گه‌ڵ كه‌ریم په‌رویزی ئه‌ندامی ده‌فته‌ری سیاسیی حیزبی دێموكراتی كوردستانی ئێران پێك هێناوه‌ .

karim-perwizi
كه‌ریم په‌رویزی

رۆژی کورد: نافەرمانی مەدەنی، رێکخستنی جەماوەر بۆ بەرگری لە داخوازە نیشتمانیەکانیان دەمێک ساڵە لە سیاسەتە کەلانەکانی حدکا دا پلانی بۆ دادەرێژرێ، بە کردەوەیی کردنی ئەو بیرۆکانە رێژەیی و جیاواز بووە ئەوەی لە راگەیەندەر گشتیەکان لە رۆژانی رابردوو دا لە سەر مانگرتنی شارو شارۆچکەو گوندەکانی خۆر هەڵاتی کوردستان باس دەکرا هەم بەرینیەکەی و هەم حەساسیەتەکەی بۆ حدکاو کۆماری ئیسلامی جیاوازتر بوو هۆکاری هەستیار بوونی مانگرتنی ٢٢ی پووشپەری ئەمساڵ بۆ چی دەگەرێتەوە ؟

كه‌ریم په‌رویزی : ئەمساڵ حیزبی دێموکرات بە پەیامێکی نوێوە ساڵی دەست پێ کرد.ئەو پەیامە هەرچەند لە ساڵی رابردووەوە بە جیددی هەنگاوی بۆ هەڵ گیرابوو و پێشتر بەرنامەی بۆ دارێژرابوو، بەڵام لە پلانی ئەمساڵدا بڕیاری بەربڵاوتر کردن و قۆناخێک بردنە پێشی درابوو و ئەو پەیامە لە نێوەڕۆکی خۆیدا، بەجۆرێک گرێدراویی زیاتری نێوان خەباتی شاخ و شار یان بەواتایەکیتر بەرینترکردنەوەی تێکەڵاویی خەباتی پێشمەرگە و خەباتی جەماوەریە و بەم شێوەیە باڵآنسێک لە نێوان شیوازی خەباتی پێشمەرگانە کە تێیدا پێشمەرگە دەبێ بە پێشڕەوی خەبات و خەباتی جەماوەری کە خەڵک و کۆمەڵگا بە حوزووری خۆیان ئەرکی بردنە پێشی خەبات دەگرنە ئەستۆ، پێک بهێندرێ.
لە پێناوی بردنە پێشی وەها سیاسەت و پلانێکدا پێویست بوو لە هەنگاوی یەکەمدا پێشمەرگە دەور و رۆڵی دیاریکراو و پێناسەکراوی نوێی خۆی بگێڕێ، کە بینیمان بە حوزووری کردەیی و بەرفراوانی پیشمەرگەی کوردستان لە شوێنە جیاجیاکاندا ئەو دەورە جێبەجێ کراو رژیمیش لە چەند شوێن هێرشی کردە سەر پێشمەرگە کە پێشمەرگەش بە وەدەست هاتن و بەرگری لە خۆی وەڵامی پەلاماری رژیمی دایەوە.
هەنگاوی دووهەمی ئەو سیاسەتە داواکردن لە خەڵک بۆ هاتنە مەیدان و بە جیددیتر دەورگێڕان لە خەباتی ئازادیخوازانەدا بوو کە باشترین دەرفەتی بەردەست، ٢٢ی پووشپەڕ بوو کە هەم زامە کۆنەکانی ئەم گەلە وەبیر دەهاتەوە و هەم زامی نوێی شەهیدانی راسانی گەل تازە خوێنی لێ دەتکا. بۆیە خەڵک لەسەر هەست و ئامادە بوو ە مانگرتنی ئەمساڵ لە ٢٢ی پووشپەڕدا لاپەڕەیەکی نوێی خەباتی خەڵکی کورد لە کوردستانی رۆژهەڵات بوو.

رۆژی کورد: دروشمی تێکەڵکردنەوەی خەباتی شاخ و شەقام لە بەهاری ئەمساڵەوە بە هۆی حدکا وە زیاتر باس کرا لە قوناغی یەکەمدا هێزەکانی پێشمەرگەی حیزبی دێمۆکرات بە هۆی چالاکی سیاسی و تەشکیلاتی بەرەو رووی هێرشی هێزە نیزامیەکانی کۆماری ئیسلامی بوونەوەو هاوکات بۆنەی ٢٢ی پووشپەڕیش هاتە ئاراوە ئەوە مانای یەکەم ئەزموونی بەرگری چەکداری و خەباتی مەدەنی دوای راگەیاندراوەکەی بەهاری ئەمساڵی سەلماند لە هەڵسەنگاندنی حیزبی دێمۆکراتدا تا چەندە ئەو دروشمەی تێکەڵاو کردنەوەی خەباتی شەقام و شاخ لەو دەسپێکە دا پڕ دەسکەوت بوو ؟

كه‌ریم په‌رویزی :دەسکەوتی خەباتی سیاسی و خەباتی رزگاریخازانەی نەتەوەیەک لە کورتخایەندا وەدەر ناکەوێ و وەکوو دیاردە مرۆییەکانی دیکە نیە کە بە هەڵسەنگاندنێکی رێژەیی و ژمێریاری بکرێ رادەی سەرکەوتوو بوون و شکست و هەروەها دەسکەوتەکان و هەزینەکانی بە سانایی لێک بدرێتەوە. ئەو دیاردانە لە رۆژە دیاریکراوەکاندا رووداوێکی بێوێنە دەخولقێنن و لە کعۆنەستی نەتەویەکدا دەبن بە پارامێتری پێناسەکەری و ناسانمەبخسێ نەتەوەیەک. ئەو کاتانەی نەتەوەیەک بۆ پێناسەی خۆیان دەڵێن ئێمە ئەو کەسانەین کە رووداوێکی وەکوو ٢٢ی پووشپەڕی ٩٥ و وەکوو حەماسەی شنۆ و حەماسەی مێژوویی کۆساڵنامان لە کارانامەی ژیان و خەباتدا هەیە، روونتر و باشتر دەردەکەوێ کە دەسکەوتی جووڵەی رزگاریخوازانە چی بووە و ئەو هەزینەیە ئایا بایی ئەو دەسکەوتە بووە یان نە.
دەسکەوتی ٢٢ی پووشپەڕ ئەمساڵ، سەلماندنی ئەوە بە داگیرکەران بوو کە ئەم کوردستانە کوانووە، کەڵە پشکووی قەت لێ نابڕێ. ئاگری بن خۆڵەمیشی کوردستانی ژێر ستەم، پۆتین و پۆستاڵی هێزی سەرکەوتکەر دەسووتێنێ و ئێسکیان دەکا بە خۆڵەمێش.

رۆژی کورد : کەم و کورییەکانی نافەرمانی مەدەنی ٢٢ی پووشپەری ئەمساڵ لە گەڵ ئەوەیدا بە هۆی راگەیەنەرە گشتیەکانەوە تا رادەیەک گواسترانەوە بەڵام هیندێک لە راگەیەنەرەکانێش تا رادەیەک سانسۆریان لە سەر ئەو چالاکیانە دانا پێتان وا نیە نەبوونی راگەیەنەرێکی وەک “تی وی ” لە کاتی بەرێوە چوونی پرۆژەکانی خەباتی شاخ و شەقام دا کارتێکەری نەرێنی بە سەر رێکخستنی رووداوەکاندا دەبێ ؟

كه‌ریم په‌رویزی : لەم دۆخە نالەبارەدا کە خەباتی کوردستانی رۆژهەڵاتی تێدایە و بەتایبەت کە حیزبی دێموکراتی کوردستانی ئێران، ئاڵاهەڵگری خەبات و راسانی نوێی گەل، لە دەۆخێکی خراپی ئابووریدایە، کاریگەریی خراپی لەسەر گوستنەوەی خێرا و دروستی رووداوەکان و وسیارکردنەوە وئاگادار کردنەوەی خەڵک لە کردەوە جەماوەریە لەپێشەکە هەبووە. هەرچەند لە رێگەی جۆربەجۆرە هەوڵی گەیاندنی ئەو دەنگانە هەم بە کورد لە رۆژهەڵات و هەم دەنگی خەباتی کورد بە دەوروبەر و دنیای دەرەو دراوە، بەڵام ئامرازە ەبەردەستەکان، لەو رادەیەدا نین کە وەڵامدەری شیاویی تەواوی ئەو خەبات وقوربانیدانە بن. خەبات دەنگ و سیمای تایبەتی خۆی دەوێ کە بۆشاییەکەی هەموو لایەک هەستی پێ دەکەن.

رۆژی کورد: هەموو لایەکانی رێکخستنی حدکا لە ماوەی رابردوودا بە توندو تۆڵی زیاتر جوڵانەوە بە دوای داواکاری ماڵی حدکا وەک لە سپاسنامەکەی حدکا دا ئاماژەی پێکراوە باش بەرەو پیری ئەو بانگەوازوە نیشتیمانیەوە چوون بەشێک کە خاوەن رایانی سیاسی پێیان وایە سیاسەتی نوێی حدکا هۆکاری ئەو جوڵە جیاوازانەیە ئێوە پێتان وایە سیاسەتی نوێ حیزبەکەتان توانێوێتی دەسکەوتی چاوەروانکراوی هەبێ ؟

كه‌ریم په‌رویزی : بە وەجووڵەکەوتن و نوێکردنەوەی سیاسەت و کردای هەر حیزب و هەر خەباێک، هەموو لق و پۆپەکان وەجووڵەی نوێ دەکەون و خەبات بە تەنیا لە جووڵەکردنی بەرتەسکی یەک رەهەندیدا بەرەو پێش ناچێ.
نەک رێکخستنەکانی حیزبی دێموکرات، بەڵکوو هەموو گرووپ ولایەنە سیاسی و هەموو توێژەکانی کۆمەڵگای کوردستانی رۆژهەڵات دەبێ رۆڵ و دەوری شیاویان پێ بدرێ، چوونکە خەبات و تێکۆشینەکە تەنیا هی حیزبێکو تەنیا بۆ حیزبێک نیە، بەڵکوو بۆ رزگاریی گەلێکە و هەموو تاکێکی ئەو گەلە ئەرکی دەکەویطە سەرشانو لە پێناو ئەو ئەرکەشدا دەبێ جێگەی شیاوی خۆی پێ بدرێ.

رۆژی کورد: جووڵەی ٢٢ی پووشپەڕی ئەمساڵ چۆن هەڵدەسەنگێنن ؟

كه‌ریم په‌رویزی :مانگرتنی شارو گوندی کوردستان لە ٢٢ی پووشپەڕی ئەمساڵدا، هەم دەور و جێگەی شیاوی خۆی هەبوو و بەشێکی بەرچاوی خەڵک لەمەیداندا بوونی خۆیان نیشان دا و سەلماندیان و هەم رژیمیش هەندێک هەڕەشە و گوشاری بۆ خەڵک هێنا کە خەڵک دەست نەدەنە مانگرتنو دەبێ بۆ داهاتوو بیر لە بەرپەرچدانەوەی ئەو گوشاران بکرێتەوە و گەلی کورد رێگایەک ببینێتەوە کە چیدی بەکرێگیراوانی رژیم بە ئاسوودەیی ئازاری خەڵک نەدەن.
هەروەها لە قۆناخی نوێی خەباتدا پیویستە بیر لە رێکارێک بکرێتەوە کە هەموو هێز ولایەینە سیاسیە ئازادیخوازەکانی کوردستان بە تێکڕا هەنگاو بۆ وەگەڕخەستنی هێزەکانی کۆمەڵگا هەڵ بگرن و ئەوەش پێداویستیو بەرنامەی تایبەتیی خۆی دەوێ.

سه‌رنج و كۆمێنت

كۆمێنت