لە ناوچەی مەنگوڕایەتی مهاباد، شەڕ و پێکدادان هاتە ئاراوە

0
545

ڕۆژی کورد: بەپێی هەواڵی گەیشتوو بە ڕۆژی کورد، لە بەیانیی ئەمڕۆ هەینی ٤ی پووشپەڕی ١٣٩٥ی هەتاوی، لە ناوچەی مەنگووڕایەتیی مهاباد و لە نزیک دوو گوندی سەرتان و مڕانێ شەڕ لە نێوان هێزی پێشمەرگەی حیزبی دێموکراتی کوردستانی ئێران و هێزەکانی سپای تیرۆریستیی پاسدارانی ڕژیم هاتۆتە ئاراوە.

شایەتحاڵان باس لەوە دەکەن کە شەڕەکە لە ئێستادا و لە کاتی داڕشتنی ئەو هەواڵەش بەردەوامە.

تا ئێستا هیچ زانیارییەک لەمەڕ خەسارەکانی هێزی پێشمەرگە و هیزەکانی ڕژیم لەبەر دەست دا نیە بەڵام کەسێکی ئاگادار لەمبارەوە  بە ڕۆژی کوردی ڕاگەیاند کە هیزەکانی ڕژیم خەسارێکی زۆری گیانی و مادیان بەرکەوتووە و بریندارێکی زۆریان هەیە و دەگوترێ چوار جاش کوژراون.

شایانی ئاماژەیە کە هێزەکانی ڕژیم دەستیان کردووە بە تۆپ پارانی ناوچەکە و زیانێکی زۆری مادیان بە ژینگەی ئەو ناوچەیە گەیاندووە.

هەروەها دەگوترێ ئەمڕۆ سەرجەم هێڵەکانی تەلەفوونی ئەو ناوچەیە لە لایەن ڕژیمەوە پچڕاوە.

Related Post

سه‌رنج و كۆمێنت

كۆمێنت