ئیدارەی ئیرشاد چالاکییەکانی ئەنجومەنی ئەدەبیی بۆکانی راگرت

0
146

رۆژی کورد: ئیدارەی فەرهەنگ و ئیرشادی ئیسلامیی پارێزگەی ورمێ لە ناماەیەکدا پێشی بە چالاکییەکانی ئەنجومەنی ئەدەبیی بۆکان گرت.

مەنووچێهر رەزازادە، لە دیمانەیەکدا رایگەیاندووە: لەلایەن ئیدارەی ئیرشادی ئیسلامییەوە نووسراوەیەکمان بە دەست گەیشتووە کە بەو پێیە هەتا ئەو کاتەی مۆڵەتی فەرمی لەو ئیدارەیە وەرنەگرین، ئیزنی چالاکیمان نییە.

ناردنی نامە لەلایەن ئیدارەی ئیرشادی ئیسلامییەوە بۆ ئەنجومەنی ئەدەبیی بۆکان لەمەڕ راگرتنی چالاکیەکانی ئەو ئەنجومەنە لە کاتێکدایە کە بەرپرسی ئەنجومەنی ئەدەبیی بۆکان بە “کوردپرێس”ی راگەیاندووە زۆر لە پێش ئێستاوە داوای مۆڵەتی فەرمیی چالاکی و کار کردنیان کردووە.

راگیرانی چالاکیی ئەنجومەنی ئەدەبیی بۆکان پاش ٢١ ساڵ کار و جالاکی لە کاتێکدایە کە حەسەن رۆحانی لە بڕگەی ١٢٤ بەڵێنییە ئابووری و کۆمەڵایەتییەکانیدا رایگەیاندبوو “دەبێ لە بەشی فەرهەنگیدا کۆنترۆلەکان کەم بکرێتەوە و بەستێن بۆ کار و چلاکیش دروست بکرێت و دەوڵەتیش دەبێ لە هێندیک حاڵەتدا یارمەتیدەر بێت”.

ئەنجومەنی ئەدەبیی بۆکان ساڵی ١٣٧٣ لەلایەن ژومارەیەک لە چالاکانی فەرهەنگی ئەدەبی و کۆمەڵێک لە شاعیرانی شاری بۆکانەوە دامەزرا و لەو ماوەیەدا دەیان کۆڕی شێعری، ئەدەبی و رەخنەیی بەڕێوە بردووە.

سه‌رنج و كۆمێنت

كۆمێنت

‎وه‌ڵام بده‌وه‌