مالپەڕی فەرمیی یەکیەتیی شۆڕشگێرانی کوردستان، ئاگادارییەکی روو لەرای گشتی بڵاو کردۆتەوەو رایگەیاندووە کە ئەو حیزبە سنوورەکانی زۆرنی زەردیان بەجێهێشتووە.
ئاگادارییەکەی یەکیەتیی شۆرشگێڕان، کە بە کورتی بڵاو کراوەتەوە، ئاماژەی بەوە نەکردووە کە ئەو حیزبە لە کوێ گیرساوەتەوە، بەڵام رایگەیاندووە، کە چاوەڕوانی وردەکاری و راگەیاندراوی کۆمیتەی ناوەندیی یەکیەتیی شۆڕشگێڕان بن.
دەقی راگەیاندراوەکە، کە ئەمڕۆ ١٨ی خەزەڵوەر بڵاو کراوەتەوە، بەم چەشنەیە:
بۆ رای گشتی:
كاك سمكۆ یەزدانپەنا سكرتێری گشتیی یەكێتی شۆڕشگێڕانی كوردستان و كۆمەڵێك لە كادر و پێشمەرگەكانی یەكێتیمان لەژێرگوشاری دامودەزگا ئەمنییەكانی پارتی دێموكراتی كوردستان، سنووری زەردیان جێ هێشت.
چاوەڕوانی وردەكاری زۆرتر بن لە راگەیاندراوی كۆمیتەی ناوەندی یەكێتی شۆڕشگێڕانی كوردستان.
پێویست بە ئاماژەیە کە گوشار بۆ سەر یەكێتی شۆڕشگێڕانی كوردستان لە کاتێکدایە کە ماوەی ٢٥ ڕۆژە پێشمەرگەیەکی حدکا بە ناوی خەلیل جەنگی بە تاوانی تیرۆر لەلایەن دەزگای پاراستنی پارتی دێموکراتی کوردستانی باشوورەوە دەستبەسەر و تا ئێستاش ازاد نەکراوە و حدکاش لەمبارەوە بێدەنگە.
زانیارییەکانی ڕۆژی کورد باس لەوە دەکەن کە ئەو ماشێنە کە دەگوترێ هی سەفارەتی کانادایە نادیار بووه كه سهر به كوێیه و لهوێ چی كردووه ههر بۆیه خەلیل لە کاتێکدا تەقەی لێکردوون کە کەسەکان لە جیاتی وڵامدانەوە بە ماشێن بەرەوڕووی هاتوون و ئەویش بۆ ڕزگارکردنی گیانی خۆی تەقەی لە ماشێنەکە کردووە نەک خودی خۆیان.
هەروەها هیچ سەفارەتخانەیەکی وڵاتانی بیانی لە هەرێم بوونی نیە و ئەوەش دەگەڕێتەوە بۆ ئەوەی کە هەرێم هێشتا لە ڕووی یاسا ناودەوڵەتییەکانەوە هەرێمە نەک وڵات و هیچ وڵاتێک ناتوانێت زیاتر لە کۆنسوولخانە لە هەرێم دابنێت.
لەلایەکی ترەوە، ڕٶژانە هەواڵ کە ماڵپەڕێکی پارتی دێموکراتی کوردستانە و بۆ شەڕی ڕەوانی و نەرم لەگەڵ پەکەکە و یەکێتی و لایەنهکانی دژبەری پارتی چالاکی دەکا، هەواڵی گیرانی خەلیل جەنگی لەلایەن پاراستنی پارتی چەواشە کردووە و دەڵێ ئەو ئەندامەی حدکا لەلایەن یەکێتییەوە گیراوە.
