ڕۆژی کورد: ئەمڕۆ دووشەممە 15ی خەرمانانی 1395ی هەتاوی، باراک ئۆباما و ڤیلادیمێر پوتین لە قەراغ دانیشتنەکانی گرووپی 20 لە چین، پێکەوە دانیشتن.
مژاری ئەو دو سەرۆک کۆمارە لە دانیشتنەکەدا، قەیرانی سووریە بووە.
وتەبێژی شۆڕای تەناهیی نەتەوەیی ئەمریکا لەمبارەوە ڕایگەیاند: “ئەو کۆبوونەوەیە دوای شکست و هەرەس هێنانی وتووێژەکانی جان کێری وەزیری دەرەوەی ئەمریکا و لاورۆف وەزیری دەرەوەی ڕووسیە لەمەڕ قەیرانی سوریە، ئەنجام دراوە.
نید پرایز، لەمبارەوە گوتی: “ئوباما دانیشتنێکی ناڕەسمی لەگەڵ پوتین پێکهێناوە. چاوەڕوان دەکەین کە ئەمڕۆ دووشەممە و دوای کۆتایی پێهاتنی ئەو کۆىوونەوەیە، وردەکاریی زیاترمان لەمەڕ ناوەرۆکی دانیشتنەکە پێبگات”.
بەپێی هەواڵی ئەلعەڕەبیە و لە زاری یەکێک لە سەرچاوە ئاگادارەکانەوە، وتووێژی کێری و لاورۆف لەمەڕ ئاشتی لە سووریە، سەرکەوتوو نەبووە و هەرەسی هێناوە”.
هەروەها بەرپرسێکی وەزارەتی دەرەوەی ئەمریکاش لەمبارەوە گوتوویەتی: “کۆبوونەوە و دان و ستانەکانی نێوان وەزیرانی دەرەوەی ئەمریکا و ڕووسیە بە هۆی ناکۆکی قووڵی دوو لایەن و ڕوانگەکانیان، شکستی هێناوە”.
باراک ئۆباما، دۆینێ یەکشەممە، ڕایگەیاند کە “تەنیا ڕێگای گەیشتن بە ئاشتییەکی جێگیر، دان و ستانە لەگەڵ ڕووسیە”
