ئەمڕۆ شەممە ٢٨ی خاکەلێوەی ١٣٩٥ی هەتاوی بە هۆی داخرانی سنوورەکان شاری بانە لە مان گرتنی گشتی دایە.
ئەمڕۆ سەر لە بەیانییەوە بۆ دەربڕینی ناڕەزایەتی لە هەمبەر داخرانی سنووری نێوان کوردستانی خۆرهەڵات و کوردستانی باشوور لە لایەن کۆماری ئیسلامی ئێرانەوە، سەرجەم دووکان، بازاڕ و پاساژەکانی شاری بانە، داخراون.
شایانی باسە کە خەڵکی ناڕازی بە شێوەیەکی مەدەنیانە، لە پێش فەرمانداری (قایم مەقام) شاری بانە کۆبوونەوە.
شایانی ئاماژەیە کە شاری بانە یەکێک لە شارە سنوورییەکانی کوردستانی خۆرهەڵاتە کە بە هۆی نەبوونی کارخانە و پێشەسازیی، ژیانی خەڵکی ئەو باژێرە بە بوونی سنوورەکان بەستراوەتەوە.
نوێ دەکرێتەوە…
