بەپێی هەواڵی هەواڵدەرییەکانی ناوخۆیی ئێران تا ئێستا لانیکەم ٤ تکنسیەنی ئێرانی لە هێرشێکی داعش لە شاری کەرکووکی عێراق، کوژراون.
ڕۆژی کورد: دوای بڵاو بوونەوەی ئەو هەواڵە، سەرەتا سەفیری ئێران لەمبارەوە ڕایگەیاند ٣ کەس لە تکنەسیەنە ئێرانییەکان کە لە پرۆژەیەکی وزەخانەیەک لە کەرکووک چالاکییان ەکرد بە هۆی هێرێکی تیرۆریستی کوژراون بەڵام دواتر وتەبێژی وەزارەتی دەرەوەی ئێران ڕایگەیاند، چوار ئێرانی کوژراون و ٣ ـی تریش بریندار بوون.
بەیانیی ئەمڕۆ هەینی 29ی ڕەزبەری 1395ی هەتاوی، ڕێکخراوی تیرۆریستیی داعش هێرشێکی خۆکوژی لە وەزەخانەی کارەبای دبس کە لە ٤٠ کیلۆمیتریی کەرکووک هەڵکەوتووە، ئەنجام داوە لەو کارگەیەدا قۆنتەراتچییە ئێرانیەکان کاریان دەکرد.
لەو هێرشەدا جیا لە کوژران و بریندار بوونی ٧ ئێرانی، ٩ کەسی تریش کوژراون.
جیا لەو هێرشە، هەر ئەمڕۆ هەینی، ڕێکخراوی تیرۆریستیی داعش، هێرشیان کردۆتە سەر بنکەیەکی پۆلیس و بنکەیەکەی تری حکومەتی لە باژێڕی کەرکووک.
بەرپرسانی کەرکوک ڕایانگەیاندووە، سەرەڕای ئەو هێرشانە، باژێڕەکە لە کۆنترۆڵی خۆیان دایە و دۆخەکە ئێستا ئارامە.
