کرماشان ڕووحانی مایەپووچ کرد

0
740

ڕۆژی کورد: بەپێی هەواڵی گەیشتوو بە ناوەندی ڕۆژی کورد و هەروەها ئەو ڤیدیۆ و وێنانەی کە لە تۆڕە کۆمەڵایەتییەکاندا بڵاو بوونەوە، خەڵکی کرماشان وێڕای ئەوەی کە پێشوازییەکی ئەوتۆیان لە ڕوحانی نەکرد، چەندین جار قسەکانیان پێ بڕی و درووشمیان بە دژی داوە.

 ناڕەزایەتی و درووشم دانی خەڵکی ئامادەبوو بە ڕادەیەک بوو کە ڕوحانی ناچار دەنگی هەڵبڕی و گوتی :”خۆ گوێم نادەنێ، هەر قسەکانی خۆتان دووپات دەکەنەوە، هەر دروشم دەدەن خۆ بەو دروشمانە هیچ چارەسەر نابێ”.

هەروەها بەشێک لە خەڵکی کرماشان پلاکاردگەلێکیان لەدەست دابوو کە بە دژی ڕوحانی و بەرجام، درووشمی لەسەر نووسرابوو.

بەشێک لە درووشمەکان بریتی بوون بە لە “بەرجامی چی نان نیە بخۆییم”، “بەخێربێی بۆ بێکارترین پارێزگا”.

خەڵکی ناڕازیی ئامادەبوو لە ستادیۆمی ئازادیی کرماشان، بەدانەوەی درووشمی جۆراوجۆری ناڕازییانە لەمەڕ بێکاری، هەژار و جیاوازی و هەڵاواردن، چەندین جار قسەکانیان بە ڕوحانی بڕی.

لە هەمان کاتدا هەروەک پێشتر لە هەواڵەکانی ڕٶژی کورددا هاتبوو، بەپێی بانگەوازیی چالاکانی کوردی یارسان، ئەمڕۆ و لە کاتی هاتنی ڕوحانی بۆ کرماشان، سێ کەس لە چالاکانی یارسان بە ناوەکانی، “سیاوەش حەیاتی، سەید ئەمین عەباسی و نەوشاد تاهیری” بە نیشانەی ناڕەزایەتی بە هەڵاواردن و زۆرداری لەسەر یارسانەکان و بەناڕاست دەرچوونی بەڵێنییەکانی ڕوحانی و لاریجانی، لێوی خۆیان دووری.

جیاواز لەگەڵ سەفەری ڕوحانی بۆ پارێزگای ورمێ و پێشوازی کران لە ڕوحانی و دواتر واژۆی سەد کەس کە خۆیان بە چالاکی مەدەنی ناساندبوو ودەست خۆشیان لە قسەکانی ڕوحانی لە مهاباد کردبوو،  لە کرماشان ڕوحانی مایەپووچ دەرچو و تەنانەت نەیتوانی قسەکانیشی بکات.

ئەو پێشوازی سارد و ناڕەزاییانە کە لە ڕوحانی لە کرماشان کرا لە حاڵێکدایە کە ڕژیم بۆ ڕاکێشانی سەرنجی خەڵک چەندین ڕێ و ڕەسمی هەڵپەڕکێ و زووڕنا لێدان و چۆپی کێشانی وەڕێخستبوو و هەروەها هەڕەشە لە دێهیارەکان کرابوو کە دەبێ خەڵک بەشدار ببن و ڕژیم تێچوو و بوودجەیەکی زۆری بۆ ڕاکێشانی خەڵک ببۆ پێشوازیی ڕوحانی تەرخان کردبوو.

kirmashan-nan-niye-bixoyn

 

سه‌رنج و كۆمێنت

كۆمێنت