ڕۆژی کورد: نوێنەرانی کۆنگرەی ئەمریکا لەو حەوتوویەدا سێ لایحەی نوێی گەمارۆ بەسەر ئێراندا دەخەنە بەر باس و لێدوان.
هەر کام لەو لایحانە ئامانجێکی تایبەتی هەیە کە بریتین لە:
لایحەی یەکەم: بەپێی ئەم لایحەیە گەرەکە ئێران بە هۆی تیرۆریسم و پێشێلکاریی مافی مرۆڤەوە گەمارۆی بخرێتە سەر.
لایحەی دووهەم: ئەو لایحەیە پێش بە فرۆشتنی ئاوی قورسی بەرهەمهێنانی ڕاکتۆری ناوکیی ئێران بە ئەمریکا دەگرێت.
لایحەی سێیەم: ئەو لایحەیە تەرخان کراوە بۆ پێشگرتن بە دەست پێڕاگەیشتنی ئێران بە سیستەمی دارایی ئەمریکا و کەڵک وەرگرتن لە ڕاگواستن لە ڕێگای دۆلارەوە.
زۆرینەی کۆنگرەی ئەمریکا لە نوێنەرانی حیزبی کۆماریخوازی ئەمریکادایە کە لەگەڵ ڕێکەوتنی ناوکیی واژۆکراو لەگەڵ ئێران لە ١٤ی ژووئیەی ساڵی ڕابردوو، ناکۆکن و دژایەتی دەکەن.
نوێنەرانی کۆماریخواز رایان وایە ئەو گەمارۆیانە پێویستن و دەبێ ئێران تێبگا ناتوانی چی تر یاسا ناودەوڵەتییەکان بخاتە ژێر پێ.
