سێزدەهەمین کۆنفرانسی ئیسلامی: ئێران پشتیوانی تیرۆریزم لە وڵاتانی عەرەبیدا دەکات

0
629

بەپێی هەواڵێک کە لە بەشی فارسی ماڵپەڕی ئەلعەرەبیەدا بلاو بۆتەوە، لە پێش نووسی بەیانیەی کۆتایی ١٣ هەمین کۆنفرانسی ئیسلامیدا کە لە ٣٧ لاپەڕەدا ئامادە کراوە و بڕیارە ڕۆژی هەینی داهاتوو بخوێندرێتەوە، کۆنفرانس داوا دەکات ئێران کۆتایی بە خۆتێهەڵقوتاندنەکانی خۆی لە کار و باری ناوخۆیی وڵاتانی دراوسێدا بهێنێت. ئەو کۆنفرانسە ڕۆژی پێنج شەممە واتا ٢٦ی خاکەلێوە، لە ئیستانبووڵی تورکیە دەست بە کارەکانی خۆی دەکات.

لە بەشێک لەو پێش نووسەدا باس لە ئێران کراوە و لە چەند خاڵدا لەمەڕ ئیران دواوە کە بە شێوەی خوارەوەیە:

  • – پێویستە پەیوەندی ئێران لەگەڵ دراوسێکانی لەسەر بنەمای پەیوەندیەکی دۆستانە و خۆ تێهەڵنەقوتاندن لە کار و باری ئەو وڵاتانە بێ. ئێران دەبێ مافی دەسەڵاتداری و سەربەخۆیی دراوسێکانی و چارەسەری کێشەکان تەنیا لە ڕێگای موزاکەرەو دانووستانەوە پشتگیری بکات.- کۆنفرانس، هێرش بردنە سەر دەستەی دیپلۆماتکاری سعوودی لە ئێران مەحکووم دەکات.
    – کۆنفرانس لیدوانە گێرەشێوێنەکانی ئێران لەمەڕ بەڕێوەبردنی سزا یاساییەکان بۆ کەسانی تاوانبار بە تاوانی تیرۆریستی لە پاشایەتی سعوودیدا شەرمەزار دەکات.

    – کۆنفرانس، خۆتێهەڵقوتاندنی ئێران لە کار و باری وڵاتانی ناوچە وەک بەحرەین و یەمەن، سووریە و سومالی و پشتیوانی ئەو وڵاتە لە تیرۆریزم، مەحکووم دەکات.

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.