خامنەیی: هەر کەس و ڕەوتێک متمانە بە ئەمریکا بکات زللەی وێدەکەوێ

0
718

بەپێی هەواڵی هەواڵدەریی تەسنیم، ئەمڕۆ هەینی ١٤ی جۆزەردانی ١٣٩٥ی هەتاوی، عەلی ئەکبەر خامنەیی، لە ساڵڕۆژی مردنی خومەینی دا و لەسەر گۆڕی خومەینی هیرشی کردەوە سەر ئەو لایەنانەی کە بڕوا بە ئەمریکا دەکەن و گوتی: “هەر تاک و  ڕەوتێک لە ناو ئێران کە متمانە بە ئەمریکا بکات، هەڵەیەکی گەورە دەکات و دەکەوێتە بەر زللە.

خامنەیی بێ ئەوەی کە ئاماژە بە ناوی هیچ تاک و رەوتێک گوتی :”هەندێک لە لایەنەکانی ناو وڵات سنوورەکانی خۆیان لەگەڵ دوژمن دەست نیشان نەکردووە، مەهێڵن هێڵی مەودای نێوانتان لەگەڵ دوژمن کەم ڕەنگ بێتەوە”.

خامنەیی لە قسەکانیدا دەیان جار و لە جێگای جیاواز، باسی لەوە کرد کە متمانە کردن بە ئەمریکا هەڵەیەکی گەورەی و گوتیشی :”ئەزموونی موزاکەرەی ناوکیمان نابێ لە بیر بچتەوە کە ئەگەر بێت و ئێمە داینەوێنین، ئەمریکا واز لە ڕۆڵی تێکدەرانەی خۆی ناهێنێت.”

ڕێبەری ڕژیمی ئێران، ئەمریکای بە بێ بەڵێن و حیساب ناپاک زانی و گوتی، ئێران سەرجەم بەڵێنییەکانی خۆی لەمەڕ پێکهاتنی ناوکی بەجێ هێناوە بەڵام ئەمریکا دەبە دەردێنێ.

لە چەند ساڵی ڕابردوودا کەسانیک کە لە ناوخۆی ئیران بە ئیسلاح تەڵەب دەناسرێن و هەروەها لە ناویاندا ڕەفسەنجانی، خوازیاری نەرم و نیان بوونەوەی پەیوەندی لەگەڵ ئەمریکان، لایەنگرانی خامنەیی جارهایجار لە ڕێپێوانەکانیاندا ئەو لایەنانەیان بە خیانەتکار و دژە ئینقلاب ناسیوە.

هەندێک لە کارناسانی سیاسی لایان وایە ئەو کەلێن و دژایەتییەی ناوخۆی ڕژیم ڕواڵەتییە و لە کاتی کەوتنە مەترسی ڕژیمدا هەموویان لە لای یەکن و لەسەر بابەتە بنەڕەتییەکان و یەک لەوان مافی کەمینەکان و کوشت و بڕینیان، کۆکن.

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.