ئاکادێمی موسیقای ئاوای کوردی سەردەشت نەورۆزانەی خۆی پێشکەش کرد
بە گوێرەی هەواڵێک کە بۆ رۆژی کورد نێردراوە لە شەوی ٨ لەسەر ٩ی نەورۆزی ٢٧١٦ لە هۆڵی سینەمای شآری سەردەشت ئاکادێمی موسیقای ئاوای کوردی سەردەشت پاش هەوڵ دانێکی بێ پسانەوە توانی بە بۆنەی ٨٠ مانگ کار وچالاکی خۆی و بە بۆنەی دوایی هێنان بە کارەکانی خۆی کۆنسێرتێکی موسیقاو گۆرانی و شێعری کرد بە نەورۆزانەی ئەوساڵ….
لەو مەراسیمە دا ڕیز گیرا لە ١٠ کەسایەتی هونەری و ئەدەبی و ورەزشی و کۆمەڵایەتی شار..هەروەها ڕێز گیرا لە ماموستایان و قوتابیان و هاوکارانی فێرگە
١/ لە سەرەتای ئاهەنگەکەدا شۆرش ئەبوبەکری وەک بەرپرسی فێرگە و بەڕێوەبەری بەرنامەکە بەخێرهاتنی میوانەکانی کرد و کورتە باسێکی لەسەر مێژووی موسیقای سەردەشت و گوزارشێک لە کار و چالاکیەکانی فێرگە و هەروەها باس لە کێشە و گرفتەکانی هونەر کرد
٢/ پاشان لە دەست پیکی بەرنامەکان دا داوا کرا ٣٠ چرکە بۆ یادی شەهیدانی هەلەبجە و سەردەشت بەشداربوان لەسەر پێ بوەستن
٣/ ئاهەنگی هەڵەبجەی شەهید و خوایە وەتەن ئاواکەی لە لایەن گروپی موسیقای ئاوای کورد پێشکەش کران
٤/ دواتر ماموستایان عەبدول خەڵەق نەقیب و رەسوڵ خزری ناسراو بە قەلەندەر شیعریان پێشکەش کرد
٥/ چەندین پارچە موسیقای سۆلۆ و دونەوازی و سێ نەوزی لە لایەن قوتابیان و هونەرمەندان پێشکەش کرا
٦/ لە درێژەی ەبرنامەکەدا داوا لە ماموستا خدر قادری کرا بێتە سەرشانۆ بە هاوکاری شۆرش ئەبوبەکری حەیرانێکی پێشکەش کر د و دواتر لە لایەن بەپرسی فێرگە کورتە باسێک لە سەر هونەر و چالاکی و تواناکانی ماموستا خدر قادری باس کرا و بۆ جارێکیتر داوا لە شۆرای شار کرا کە لە ساڵی ١٣٩٥ دا ساز کردنی پەکەری مام خدر قادری تەسویب بکرێت و بەشدار بووان بە چەپڵە پێشوازیان کرد
٧/ دواتر هونەرمەندانی لاو مەحەمەد حوسێن خودایی کەیوان سەنایی وعادل رەشیدی بە هاوکاری هونەرمەند هیوا گولابی گۆرانی خۆیان پێشکەش کرد
٨/پاشان مام ئەحمەدە مەندە بە شمشاڵ و خەڵە عەلی حەیرانبێژ بە شمشال و مەقام کۆڕەکەیان ڕازاندەوە
٩/ هونەرمەندان ئازاد رەحیمی ئەقدەم و بێستون ئازەری و ئاهەنگی تایبەتیان ەب انوی شەیدای پێشکەش کرد
١٠/شایان زەرزا و شۆرش ئەبوبەکری دوو قٶلی ئاهەنگی جان مەریەم یان پێشکەش کرد
١١/ئاهەنگی کۆتایی بەرنامەکە سرودی ئەو ڕۆژی ساڵی تازەیە نەورۆزە هاتەوە بە بەشداری هەموو ژەنیارەکان و گۆرانیبێژەکان و بە پێشوازی گەرمی خەڵکی پێشکەش کرا و لە کۆتایی دا تەندیسی تایبەت پێشکەش کرا بە هونەرمەندە پێشکسوتەکان/ ماموستا خدر قادری حەیرانبێژ / عەبدول خالەق نەقیب شاعیر / ئیسماعیل مەسروی خۆشنوس/ عەزیزی بەریاجی خۆشنوس / ڕەحیم سەباغی وێنە گر /ڕەوسل خزری شاعیر..مام ئەحمەدە مەندە شمشاڵ ژەن ….هەروەها رێز گیرا لا ڕامان زاهیری وێنە گر و ئاوات رەشیدی وەرزشوان و پاشان خەڵاتی بەرنامە بە سەر هەموو بەشدار بوون ماموستایان و قوتابیانی فێرگە دا دابەش کرا و ڕێز گیرا لە هاوکارانی فێرگە و ئەو بەرنامە…..پێویستە ئاماژە بکرێ ئەو بەرنامەیە بە هاوکاری فەرمانداری شار و موعاونت فەرمانداری / بەشی فەرهەنگی فەمانداری و شۆڕای شار و کۆمەڵێک دۆست و هونەرمەند و بنەماڵەی قوتابیەکان و هاوشاریانی ئازیز بەڕێوە چوو.
