وتوووێژی ناوەندی ڕۆژی کورد لەگەڵ هاوڕێ سەردار زەنگەنە ئەندامی حیزبی دێمۆکراتی کوردستان سەبارەت بە گیر و گرفتەکانی بەردەم بزووتنەوەی کوردستان لە ناوچەکانی خوارەوەی کوردستان بە تایبەت کرماشان.

0
1106

ڕۆژی کورد:

گرینگترین بەر بەستەکانی بەردەم بزووتنەوەی کوردی لە ناوچەکانی خوارەوەی ڕۆژهەڵاتی کوردستان لە ئێستادا لە دیدی ئێوە لە چی دایە؟

کرماشان وە مدووی پڕهەمیەت بۊن وگرنگی خوەێ لە لایەن ئابووری و جوغرافیای سیاسی وتاریخی و…بێجگە یەگ دژمن بەربەست وڕێگریەکمە کە هەمیشە هەزینەکردنەوهەوڵ دانە کرماشان لە جمشت کوردی وکوردستان بوڕن،ئەگەرڕئاڵ وڕاس وواقع بینانە بنۆڕیم بەربەست یاهۆکارتر کە خەڵک کرماشان کەمتر هاتنسە ڕێز حزبەیل یا جمشت کوردی یە بۊە گ جمشتێگ نەتەوەیی بەهێز لە کوردستان نیاشتیمنە کە گشت ناوچەیل کوردستان بێ فەرخ وجیاوازی دینی ومەزهەبی وزاراوەیی وناوچەیی لە دەورخوەێ کۆ بکەێد. پێش دامەزران “کۆمەڵەێ ژێکاف”کە من و جوولانەوەێگ نەتەوەیی دۊنمێ ولەسەردەس کەسانێگ دامەزریا کە دۊرلە ڕەنگ مەزهەبی و خێڵەکی بۊ ،لەناوچەیل خوارین ڕۆژهەڵات دەیان سەرهەڵدان وجمشت دژ داگیرکاری وستەم داشتیمنە هەرلە لۆڕستانەوە بگرە هەتا ئیلام وکرماشان وهەورامان جۆر شۆڕش عەلیمەردان خان وشۆڕش قدەمخێر لە لوڕستان،شۆڕش وسەرهەڵدان شامگە ڕەزاخان “جمشت ڕنۆ”لە ئیلام و… بەڵام چۆنکە ئێ سەرهێزدانەیل وپاوەگەزدانەیلە لە جوغرافیای بۊچگێ بی وئامانجەیلێ گشت گیرنەوی وهەرئیجۆرچۆنک جۆرماباقی جمشتەیل کوردی لەناوچەیل ترفرەتر ڕۆڵ ونەقش هۆزوعەشیرەودین ومەزهەب و..لە تێ ڕەنگ داشت نەتوانس هێز گەورەێگ لە کوردەیل ئازادیخواز ڕۆژهەڵات وبەتایبەت کرماشان کۆ بکەن و دوائیش فرەترئێ جمشت وجوولانەوەیلە سەرەڕای فەداکاری وگیان بازی زۆرم خەڵک بەشداربۊ لەنەتیجەێ زاڵ بۊن هەست عەشیرەگرایی ومەزهەب گرایی وناوچەگرایی ولاوازبۊن وکەم ڕەنگ بۊن هەست وشعوور نەتەوەیی ، لەدەس دژمن یاهاودەسی ودژایەتی بڕێگ تروە کوردان وعەشیرەیل و…لەناو بریەن وئاسانترسەرکوت کریەن.
لە دۊاێ دامەزران حزب دموکرات وحزبەیل تر کوردی لە ڕۆژهەڵات دیسان وەداخەوە چ بڕێگجار هەڵ ومەرج لەبارنەۊە وچ بڕێگجاروە مدوو کەمتەرخەمی و… نەتۈەنریاێە وە پێ پێویست وحەوەجە فرەتر لەسەر مەردم شناسی وبەهێزترکردن هەست نەتەوەیی وچالاک بۊن لەوناوچەیلە ووریاکردنێان لە بوارفکری وفەرهەنگی و… کاربکریەد لەحاڵێگ دژمن لە ڕێ ئتاق فکرو ناوەندەیل تەبلیغاتی وسەرکوتگەر خوەێ هەرساڵ هەزینە فرەێگ کەێدوهەوڵ فرەێگ دەێد ناسیونالیست ئێرانی وفارس گرایی ودۊرکردن کوردکرماشان لە ناسنامە وزوان وماف وخاست نەتەوەیی، برەو پێ بێەد .
کێشە وگیچەڵ لە کوردکرماشان یا باقی ناوچەیل خوارین ڕۆژهەڵات نییە کە کەمتر هاتنسە ڕێز حزبایەتی وجمشت کوردی، بەڵکم کێشە لەوجۆر دیدگاە ونۆڕین وشیوەێ کارکردنە گ کوردایەتی وخەبات وەناوچەێگ سنووردارکەن وکوردشیعەویارسانی و…لە پەراوێز خریەن وڕۆڵ ونەقش کەمتر پێان دریەد لەنەتیجەێ ئیجۆر کوردایەتی سەقەت وناساڵمێگ دۊنیم هێمان جمشت کوردی هەتا سەقزوسنەیش خاس لە خوەێ نەگرتێە و زۆرم لەناوچەێگ بۊچگ بەسیاس و وسیاس.
هەڵبەت یەیش بازیابکەم کەمتر چالاک بۊن هێزپێشمەرگە لە کرماشان(وە مدووی دووری جوغرافیایی ونەوین هەل ومەرج و..)وکەم بۊن بەرنامەێ ڕادیۆیی وتلڤزیۆنی وە زاراوەی ئەوخەڵکە ئڕاناسانن سیاسەت حزبەیل وئاشنایی ووریایی فرەترخەڵک لە ئامانج حزبەیل وماف خوەێان وشانازی وە داشتەیل ومێژۆی پاوەگەزدانێان و…
پەراوێزخستن وکەمترباس کردن جمشتەیلێگ کە لەناوچەیل خوارین بۊە وفەعاڵ وچالاک بۊن حزبەیل سەراسەری ئێرانی جۆربڕێگ حزب چەپ و مجاهدین و… لە جومڵەێ ئەوهۆکارومدووەیلەنە کە تائێرەنگە کورد کرماشان لە حزبەیل کوردی دۊرەوکردێە وحەوەجەس لەبانان لە وردبینی وهۊرنەتەوەیی حزبەیل وگشت دڵسۆزەیل وچالاکەیل کورد لەوناوچەیلە کاربکەن هەتا کرماشان کە ئۊشن “دڵی کوردستانە”لە حەد شوعارێگ بریقەدار نەمینێدوتۊش چارەنۊس “کەرکووک قودسی کوردستان “نەود.
ئەگەرهەرکورد دڵسۆزونیشتمانپەروەرێگ وەیە باوەڕدیرێ کە “وەبێ کرماشان، کوردستان دی چەس”حەوەجەس ئیمڕۆ لە هەرشوێنێگ فرەترخوەێ وە کرماشانی بزانێ وبێ فەرخ وجیاوازی وبێ دەمارگرژی ناوچەیی وزاراوەیی ومەزهەبی و … هەوڵ بێەد ڕۆژوەڕۆژ فرەتر کوردکرماشان وە خەبات نەتەوەیی نزیکەو بکەد.

٢

گرینگی کرماشان لە ڕوی شوێن کەوتووی جوگرافیایی و هەروەها ڕۆڵ و گرینگی ئەو شارە لە پێش خستنی بزووتنەوەی میلی دێمۆکراتیکی کورد لە ڕۆژهەڵاتی کوردستان تا چ ئاستێک گرینگ و زەرووری دەبینن؟

هەریەگ ڕژیمەیل داگیرکەرودژە کورد لە ئێران فرەترین هەوڵ وتەقەلایانیەبیەسە کرماشان لە کوردستان وجمشت کوردی دۊر بکەن ولە ڕێ برەودان وە زاراوەێ دەسکرد (جعلی)فارسی کرماشانی و سیاسەت ئاسیمیلاسیۆن وتاوانن زوان وفەرهەنگ کوردی ئامانجەیل داگیرکەرانەێ خوەێان بپێکن نیشانەێ پڕهەمیەت بۊن گەورەشاری کوردان واتە کرماشانە لە لایەن ژئوپولتیک وژئوئکۆنۆمی وژئو ئستراتژی .
کرماشان موزایک ملی ونەتەوەیی کوردە وبێ کرماشان تەنانەت ئەگەر دەوڵەت کوردی سەربەخۆێگ داشتۊمن ئاکامێگ بێجگە شکیان وڕمیان نەێرێ، چۆنکە کرماشان لەلایەن جوغرافیایی جۆرناوەند ڕۆژهەڵات وپرد وپێڵ پەیوەندی ئیلام ولوڕستان وهەمەدان وسنەیە وهەرهێزوحزبێگ کوردی کەزاڵ بوودو جێگەوپێگەی لە کرماشان داشتوود تۊەنێ خەڵک ئەو چەندپارێزگاوئوستانیشە کە پێش ترسەروەکرماشان بینە ورەولای خوەێ بکیشێ.
کرماشان لەلایەن جۆراجۆری وڕەنگاڕەنگی بیروباوەڕوزاراوەو کلتووریش جۆرسەنتەرو ئاوێنەێ باڵانوێن ڕۆژهەڵاتە .
کرماشان لەباوەت سەرمایەیل ژێرزەۊنی ونەفت وگازوسەرچاوەیل ئاوو…دەوڵەمەنەویەکێگ لە قوتبەیل وجەمسەرەیل پەسداری وکشت وکاڵە.
بڕێگ لە سیاحەیل وڕۆژهەڵات ناسەیل خارجی جۆر/هرتسفلد/لە نۊسانەیل خوەێان ئشارە وەهەمیەت کرماشان کردنە وجۆر” دەروازەی ئاسیا”ناوێ بردنە ،بێگۆمان کرماشان ئڕا کوردوهێزەیل ڕۆژهەڵاتیش دەروازەوکلیل دەسڕەسی وە زۆرم خاک ڕۆژهەڵاتە.

 

٣

ئایا کرماشان وەکوو گەورەتەرین شاری ڕۆژهەڵاتی کوردستان ، دەتواندرێت وەکوو پێتەختی داهاتووی ڕۆژهەڵاتی کوردستان پێناسە بکرێت ؟ مەبەست پێتەختی هەرێمی خودموختار،فیدڕاڵ یان سەربەخۆی ڕۆژهەڵاتی کوردستانە.

3-بەڵێ کرماشان قابلیت و تایبەتمەندی یە دێرێ کە لەبانان جۆر پایتەخت ڕۆژهەڵات دیاری بکریەد وئەوانەگ خەمخوەرکوردن وخوەێان وەچالاک سیاسی کوردزانن ئەرک سەرشانێانە بێ دەمارگرژی وبەرپرسانە ودڵسۆزانە لەسەرئێ باوەتە فرەترباس وکاربکەن لێرە چەن دەلیل تیەرم کە خاستروژیرانەتر یەس ئیمەی کورد هەرلە ئیسەوەکرماشان جۆر پایتەخت ڕۆژهەڵات وە زەێن وهۊر خەڵکمان بناسنیمن.
١-کرماشان ناوەند ڕۆژهەڵاتە وموزائیک نەتەوەیی کورد لەورە تەواوخوەێ نیشان دەێ وڕێ دەسڕەسی وەئیلام ولوڕستان وهەمەدانە.
2 جۆرهەولێروئامەدوقامشلۆ لە شارەیل گەورەی کوردستانە وپێش تریش پایتەخت ساسانیەیل وماد بیە وشانسێ ئڕا پایتەخت بۊن فرەترە.
3کرماشان خاون سەرمایەیل ژێرزەۊنی ونەفت وگاز و دەیشتەیل پڕپیت وخێر فرەێگە ولەقوتبەیل پەسداری وکشت وکاڵ.
4فرەترین هەوڵ وتەقەلای دژمن ئڕا سڕینەوەێ ناسنامەو زوان کوردی لە کرماشان بۊە ئڕا گەشەێ هۊرناسیونالیستی کوردی و لەوەرچەوگرتن دیدگاە ئستراتژی حزبەیل کوردی حەوەجەوزەروورەتە ئێ شارە کە سەمبۆڵ پاوەگەزدان مێژۆیی کوردانە دژ تاوانن وسڕینەوە زوانی وناسنامەیی، جۆر پایتەخت ڕۆژهەڵات بناسنیمنێ وکارئڕاێ بکەیمن.

٤

سیاسەتی ئاسمیلاسیونی داگیرکەری ئێرانی لە ڕابردوو چەندە بەربەستی بۆ هێزەسیاسیەکانی کورد لە ڕۆژهەڵات دروست کردووە و لە ئێستادا ئەو سیاسەتەی داگیر کەر لە کرماشان لە چ قۆناغێکە و هەروەها کورد و بزووتنەوەی کوردستان چۆندەتوانن بەر بە ئەم سیاسەتەی ڕژیم لە گەورەتەرین شاری ڕۆژهەڵاتی وڵات بگرن؟

سیاسەت ئاسیمیلاسیۆن وسڕینەوەوتاوانن زوان وناسنامەوفەرهەنگ تەنیا لەسەردەم ڕژیم ئسڵامی لەئێران دەس وە پێنەکریاس وتەنیا لەسەر کرماشان ئەنجام نەێریاس بەڵکم لە سەردەم فرە سیستمەیل داگیرکەرلە ئێران هەرلەسەفەوی بگرە هەتا قاجاڕوپەهڵەوی وئیسەش ئێ سیاسەتە وە شێوەیل جۆراجۆر ئڕا بێگانە کردن کورد لە ناسنامەی نەتەوەیی خوەێ وتاوانن زوان وفەرهەنگێ وچەواشەکردن تاریخێ ئدامەودرێژە داشتێە.
لەسەردەم سەفەوی وقاجاڕی فرەترهەوڵ وتەقەلا یەبیسە لە لایەن بیروباوەڕ خەڵک کورد لە کرماشان بگوەڕنن ورەوسەر مەزهەب شیعە .
زۆرم خەڵک کرماشان پێش هاتن ئسڵام لەسەرباوەڕ ئائین یاری بۊنە وچۆنکە ئێ ئائینە وکتاوەیل پەیڕەوان ئائین یاری کوردین و سەنگەربتەوێگ لەنواێ بیروباوەڕ ئسڵامی هەرلەێ مدووە هەوڵ وتەقالا ئڕاشیعەسازی لەکرماشان وە سەردەم سەفەوی وقاجاڕی فرەتردەس وەپێ کریەد .
سازین دەیان مەسجد لە کرماشان لەدەورەێ قاجاڕی وهاوردن بڕێگ بنەماڵەێ دینی لەشارەیل جۆراجۆرئێران ورەوکرماشان جۆر بنەماڵەیل سدووقی ونجومی وجابری وکەزازی وئاڵ ئاقا و…گشت لە ڕاستاێ ئەوسیاسەت شیعە سازی و ئاسیمیلەکردن وتاوانن بیروباوەڕ لەمێژینەوڕاستەقینەوکوردانەێ خەڵک کورد لەکرماشان بۊ.
زاراوەی فارسی جعلی کرماشان لە هۊرەونەوەیمن کە هەرلەسەردەم قاجاڕی وهاتن دولتشاە برەوپێ دریا جۆر سەم وژەهرێگ ئڕاکوشتن زوان دەوڵەمەن کوردی.
دۊاترلە سەردەم پەهڵەوی ئڕا سازین دەوڵەت- نەتەوەێ ئێرانی وپڕ هازکردن دەسڵات ناوەندی ، سەرکوت هۆزەیل وعەشیرەیل ودەسڵاتەیل ناوچەیی کوردی دەس وە پێکرد و سیاسەت ئاسیمیلە کردن زوان کوردیش هاوزەمان وە برەودان فارسی جۆرزوان ڕەسمی وڵات ئدامە دریا تەنانەت ئڕا چەواشەکردن مێژۆی کوردوسڕینەوەی شانازیەیلێ وپەیوەست کردنێ وەفارس وئێرانی بڕێگ قڵەم وە دەس جۆر “ڕەشید یاسمی”و”مەردۆخ”گرتنە خزمەت سیاسەتەیل داگیرکەرانە تا کورد جۆر ئامۆزای فارس وایرانی اصیل ومەرزدار غیورایران و…بناسنن.
هۆزەیل کورد کە هەرکام وە جۆرێگ پارێزەر زوان وجل وبەرگ و کلتوور کورد بین وبڕێگجار سەرهێزدیان ئڕاخاست ومافیان، وە سەختترین شێوەیل سەرکوتیان کردن تەنانەت لە لوڕستان جۆر وڵات بێگانەێگ وەگەردیان ڕەفتارکریاو نیرۆی هەوایی پەهڵەوی دەس دانە کوشتاروبومباران خەڵک مافخواز لوڕستان.
لەهەورامان وجوانڕۆ وئیلام وکرماشان دەیان سەرهەڵدان کریاکەوەدەس ماموورەیل ونیروەیل پاڵەوی وەسەختی سەرکوت بین وئڕاکەمکردنەوەی دەسڵات هۆزەیل وعشیرەیل وبنەماڵەیل خاون نفوز کورد، سیاسەت تختەقاپویعشایریا یکجانشینی واسکان عشایر لەپێش گرتن تاکەم کەم لەناوشارەیل بتوانن لە ڕێ مەدرەسە وخوەنین فارسی ولەڕێ سەربازی (اجباری) و… زوان وفەرهەنگ وڕوحیەی سلحشوری وبەرخۆدانێان بتاوننەو.
لە سەردەم سیەێ ڕژیم ئسڵامیش گشت ئەوسیاسەتەیل سەرکوت وئاسیمیلەکردنە وە شدت وسەختی وهەوڵ وهەزینەێ فرەترێگ ئدامە پێ دریا لە دەیان ڕێ وکاناڵ جۆراجۆر هەوڵ دەن وکارکەن هەتا زوان وناسنامەێ کوردی بتاوننەو وەتایبەت هەوڵ ئڕا سەرخستن سیاسەت ئاسیمیلاسیۆن لە کرماشان فرەترە وەمدووی ئەوگرنگی وهەمیەتەیلە کە پێش ترئاماژە کردیمن ئێ گەورەشارکوردیە دیرێدن.
بەڵام ئێرەنگە وەخوەشیەو دەیان ساڵە وەهەوڵ وتەقەلای دڵسۆزەیل ونیشتمانپەروەرەیل وچالاکەیل فەرهەنگی کورد لە کرماشان جمشت گەورەێ فەرهەنگیێگ خسیاسەڕێ کە گەشە وە زوان وئەدەب وهونەروهزروهۊر کوردی لەوناوچە داس.
ئێ جمشت فەرهەنگی خۆدجۆشە کە لەنەتیجەێ بەرزبۊن وگەشەێ هۊرنەتەوەیی لە کرماشانە جۆر لافاوێگ پڕهێز گشت ئەودڕک وداڵانەێ ماڵێ کە ڕێگرن لە سەروریایی تاک کورد ودۊرکردن کورد لەناسنامەوزوان وفەرهەنگ خوەێ.
چەندین دەهەیە ڕژیم ئسڵامی لەڕێ ئمکانات ودەسگایل تبلیغاتی وڕەسانەیی خوەێ هەوڵ دەێ لە کرماشان فارسی جعلی پێش بخەێ وبڕێگ وەناوهونەرمەندونوسەرجۆرمەقاش لێان ئستفادەکەێدوهمایش زوان فارسی لە لایەن کەسانێگ مهاجروهاوردە جۆر “کەزازی” لەگەورەترین شارکوردان!بەڕێوە بەێدوهەوڵ دەێ لەڕێ تفرقەخستن لەناو قوم وعەشیرەو مەزهەبەیل ،یەکڕێزی کوردلەبەێن بوەێدولەڕێ شەبەکەیل ئوستانی هەرڕۆژ دژ فەرهەنگ وزوان کوردی ئڕاتحقیرکوردوتحریف تاریخمان بەرنامەسازی کەن بەڵام دیسان وە هیمەت وهەوڵ دڵسۆزەیل وچالاکەیل سیاسی وفەرهەنگی کورد ،کرماشان هێمان کوردانە هناس کیشێ وسەرنەچەمانێە ئڕاستەم وداگیرکاری.
ڕێژەی فراوان چاپ وبڵاوکریان کتاوەو گۆڤار کوردی لە کرماشان نیشاندەر ئێ ڕاسیەس کورد لەکرماشان فرەترلەجاران خاونداری لە زوان وناسنامەی خوەێ کەێدوسیاسەت سەرکوت نەتیجەێ پڕبارێگ نیاشتێە.

ڕێ چارە یەسە خەڵک فرەتر خاونداری لە زوان وناسنامەێ خوەێان بکەن وەتایبەت داڵگ وباوگەیل لە کرماشان ئەرکیان قورسترەو لەهەست وە بەرپرسیاریەتی نەهێڵن مناڵیان لە یاێ گرتن زوان داڵگی بێ بەش بوود.
هەر نەتەوەێگ کە زوان لێ سەنریاوە کەم کەم ئامادەگی یەدێرێ فەرهەنگ وزوان داگیرکەرقەبوول بکەێ ودۊاخرکرامەت وئەرزشێگ ئڕاێ نیەمینێ.
نوسەروهونەرمەندەیلمانیش فرەتر دڵ وەکارکوردی بەن وشانازی بکەن وەزوان ونەتەوێ خۆیان هەرئەوجۆرەگ ئیسە خۆشبەختانە کەسەیل فرەێگ تەنانەت ژن ودۊەتەیل میلکانمانیش هاتنسە مەیدان خزمەت وەزوان وفەرهەنگ کوردی.
احزابیش چۆنکە ئمکانات ڕەسانەیی دێرن چاوەڕوانی یە لێان هەس بەرنامەێ فرەترێگ وە زاراوەی خەڵک کرماشان داشتوون وبتوانن بێ جیاوازی بوونە دەنگ وڕەنگ گشت کوردێگ لەڕۆژهەڵات .

٥

لە ڕووی ئابووری کرماشان وەکوو گەورەتەرین شاری ڕۆژئاوای ئێران خاوەن سامانە سرووشتی زۆرێک وەکوو نەوت،گاز و …هەیە

لە دیدی ئێوە باشترین پڕۆژە ئابووریک کە بتوانێت ئەم سەدساڵە سیاسەتی ئاسمیلاسیون و دواکەوتوو هێشتنەوەی کرماشان لەبەر بکات کیژان سیستمی ئابووریە؟

5هەرچەند خاستریەبی ئێ پرسیارە ڕۊ لە کارناس ئابووری(اقتصادی)ێگ بکریەدکە لەێ باوەتە بێگومان زانیاری فرەترێگ دیرێ بەڵام هەرەپێ ئاشنایی کە بەندە لە داشتەیل میلکانم دیرم بیروڕام یەس:
کرماشان لە ڕۊ سەرمایەی ژێر زەۊنی ونەفت وگاز دەوڵەمەنە وخاوەن دەیشتەیل پڕپیت وخێرێگ جۆر/ دەیشت ماێشت/و/دەیشت زەهاو/ەکە ئەگەر دەسڵات عادڵێگ لەورە لەسەرکاربوود توانێ لە مکانیزە کردن کشت وکاڵ لەودەیشتەیل ودورس وەکارهاوردن سەرچاوەیل ئاوووپشتیوانی لە پیشەسازی و کارەیل دەسچن ودەس ساز وپەسداری وباخداری و… وڵاتێگ بژینێ.

٦

پارێزگای کرماشان خاوەن چەندین دین و مەزهەبی جودایە کە نیشان لە پێکوە ژیانی باوەڕدارنی کوردستانی دەدات، باشترین پلان و بەرنامە بۆ بەرگری لە هەر جۆرە پیلانی قیزەوەنی دوژمن کارانە لەم پارێزگایە لە لایان داگیرکەری ئێرانی لە ئێستا و داهاتوو ، کە ناوەندی هاوکاری لایەنەسیاسیەکانی ڕۆژهەڵات بۆ برایەتی نێوان کوردستانیان ئەبێت کاری بۆبکەن چۆن پێناسەدەکەن؟

لە کرماشان ئیمە هەرگز شەڕ دینی وئائینی نیاشتیمنە کە بتوایم نەخشەوبەرنامە ئڕا ئاشتی بڕشنیمن. بە پێچەوانە حزبەیل وباقی خەڵک کورد حەوەجەس لە کرماشان کلتوورپێکەوەژیان وڕێزلە بیروڕا یاێ بگرن. کرماشان سەرمەشخ ونموونەی خاس پێکەوەژیان ئاشتیانەێ دین ومەزهەبەیلە لە کوردستان وتەنانەت خاوەرمیانە.
هەزاران ساڵە شیعە وسونی ویارسانی ویەهوودی ومەسیحی و… لەو ناوچە گەردیەکتر ژیانە بێ ئەوەێگ خۊن یەکترحڵاڵ بزانن وپەلاماریەکتربەن.
هەرچەند بڕێگجار ڕژیم ئڕا ئاژاوەنان ونەهیشتن یەکڕێزی کورد هەوڵ داس لەڕێ مزدوورەیل خوەێ شەڕ مەزهەبی وئائینی دورس بکەێد جۆر هەنزاێ”ترۆر مەلا موحەمەد ڕەبیعی “یا”هڵامات وە جەمخانەێ یارسانیەیل لەشارشاباد وەخت هەڵوێژانن نوێنەرایەتی پارلمان چەندساڵ پێش لەوشارە”و”شەڕ داڵاهۆلە ئیمساڵ”و…بەڵام خۆشبەختانە ئێ هەوڵ وتەقالایل دژمنە جۆر پفاڵکەی سەرئاو (حباب روی آب)زۊ لەناوچینە ودەوام نیاشتێە.
کرماشان هندوستان کوردستانە لەباوەت ڕەنگاوڕەنگی وڕێزگرتن دین وئائین ومەزهەبەیل لەیەکتر وئێ کلتوور یەکترقەبوول کردن وڕێزلە بیروڕاێ جیاواز گرتنیشە هەڵگەردێدەوسەر باوەڕ دیرین وکوردانەێ خەڵک ئەو ئوستانە یەعنی ئائین یاری.
پێش تر ئاماژە کردم وەرجە ئسڵام زۆرم خەڵک کرماشان لەسەربیروباوەڕ ئائین یاری بۊنە.
/هنری بایندر/سیاح فرانسەوی کە قەڕن نۆزدەهم هاتەسە کرماشان وسەردان “قەسرشیرین”کردێە ئیجۆر نۊسێ://فرەێگ خەڵک کرماشان لەسەرباوەڕ ئائین یارین وحس احترام وە عقیدەی باقی خەڵک لایان زیاێە ( ڕێزلە عەقیدەوبیروڕای تر دەگرن.)//
ئائین یاری وە ئائین ئاشتی ناسریەد چۆن لەێ ئائینە شەڕوکوشتن وەسەربیروڕاێ تر حڵاڵ نەکریاس و کفروجهادو…لەتێ مەعنا نەیرێ .
بەندە لە بنەماڵەێگ شیعەم بەڵام ڕاسیەگان حەوەجەس بێ دەمارگرژی ودڵسۆزانە بەیان بکەیمن ئەوەی تا ئیسە کوردکرماشان لە وراێوەر ئاسمیلاسیۆن وستەم زنێ هیشتێە ،بەشێگ فرەێ لە مدووی هەبوون ئائین کوردانەێ یاری وکتاوەیل وکڵام وشێعر و موسیقاوسرودوتەمۊرێ یارسانیەیلە.
هەڵبەت زۆرم حزبەیل ڕۆژهەڵاتیش خوشبەختانە ئەگەربنۆڕیمنە ئەساسنامەیان دۊنیم بەشێگ لە ئامانج خەبات خوەێان دامەزران سیستم سکۆلارێگ زانن وخوەێان دۊرگرن لە تێکەڵاوبۊن کاروبارمەزهەبی ودخاڵەت دانێ لەسیاسەت.
جمشت کوردی حەوەجەس نەتەوەیی بوودوتابتۊەنی لە ڕەنگ دینی ومەزهەبی خوەێ دۊربگرێ چۆنکە تەنیا خەبات نەتەوەیی وگرینگی دان وە ماف نەتەوەیی یە کە لەدەوریەک کۆمان کەێدولە وراێوەر دژمنەیلیش پڕهێزتر بۊمن.

٧

ڕۆڵی سپای پاسدرانی ئێرانی لە بڵاوەپێ کردنی مادەی هۆشبەر لە پارێزگای کرماشان چۆن دەبینن و هاوکات بۆ بەرگری کردن لەم سیاسەتە پیسەی داگیرکەر چۆن ئەبێت لایەنەسیاسیەکانی کوردستان بەرپرچی ئەم پیلانانەبدەنەوە ؟

حاشا هەڵنەگرە ئیمڕۆلە ئێران دوکوت ترانزیت مادەێ هۆشبەرلەلایەن بڕێگ لە سەران سپا جاوەجا و بڵاو بوود یە بوختانێگ نیە کە بەندە وکەسانێگ جۆرمن تەنیا لەڕۊ دژایەتی وەگەرد دەسڵات زاڵمانەێ جمهۆری ئسڵامی هەڵواسۊم بەڵکم فرەجارتەنانەت لەزوان ئەوکەسانەیش کە شەریک دەسڵاتن لەماوەێن شەڕ باڵەیل ڕژیم ژنەویم جۆر قسەیل چەندساڵ پێش “ئەحمەدی نژاد”کە هاوار ناڕەزایەتێ لەدەس” برایل قاچاخچی=سپاە”بەرزبۊ.
لە فرەێگ شارەیل کوردستان وەتایبەت کرماشان بفرۆشەیل مادەێ هۆشبەر لە ڕۆژ نیمەڕۆ بێ ترس مامڵەێ مەوادکەن وماشین بخڕەیل لەدەرماڵیان ڕز بەسێ دوکوت ئەوبفرۆشەیلیشە ئەگەرهۊرد بنۆڕیم دۊنیم دەس وەگەردسپاوناوەندەیل سەرکوتگەرڕژیم دیرن وئەگەرجاروبار بگرنێان دۊاێ ماوەێ کەمێگ زۊ ئازادێان کەن.
ئامانج وهەدەف یەسە وە ڕێ مادەێ هۆشبەر بتوانن ئڕاسەرکوت چین چالاک کۆمەڵگە کارئاسانی بکەن. مادەێ هۆشبەرجۆر ورسیەری وگرانی ئامرازووەسیلەێ سەرکوتە.
توان خەڵک خەریک وگیرۆدەێ کیشان مەواد موخەدربوون هەتا لەجی هۊرکردن لەچارەنۊس سیاسی خوەیان ووریا کردن دەوروەریان، تەنیا هۊرێان لاێ چشتەیل بێهۆدەوبۊچگ وبێ بەرێگ جۆرکیشان ولە دەس هاوردن مادەێ هۆشبەربوودوبەس.
ڕژیمێگ کە ناوەندەیل ئەمنیەتیێ لە پچە پچ وفزەێ ئازادیخوازێگ لە ماڵ خوەێ باخەوەربوون وسزاێ دەن بێگومان ئەگەرخوەێان هاودەس وهاوکار بفرۆشەیل مەواد هۆشبەرنەون توانن بفرۆشەیل بگرن و لەهەرکۊچە وخیاوانێ یەێ ساقی مەواد نیەو ئێقرە مفت وئاسان لە دەسڕەس قرارنیەگرێ.
لە وراێوەر ئێ سیاسەت پێس ڕژیمە ئڕا ئالۆدەوگیرۆدەکردن جوانەیل وخەڵکمان لەدام مادەێ هۆشبەر،تەنیا ڕێ یەسە بنەماڵەیل فرەتر وریای مناڵەیلێان بوون ولەباوەت زیان وخەسارەیل دام اعتیاد ڕەسانەیل کوردی وهونەرمەندەیل ونوسەرەیل فرەتر خەڵک وریابکەن .
گشتێ دڵسۆزەیل ونیشتمانپەروەرەیل حەوەجەس هەرکام وەپێ تەواناوئمکان لەنواێ ئێ نەخشەێ شۆمە بۆسیەن ولەێ باوەتە ئفشاگەری بکەن وزیاتر زانیاری ووریایی بوەخشنە خەڵک وهاوکارودەسگیر ئەوکەسانەیش بوون کە توان لەێ دامە ڕزگاربوون ونجات پێا بکەن.

 

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.