زۆر بە توندی سەرکۆنەی ئەو کارە ناڕەوا و نامەردانەیە دەکەین کە دەرهەق پێشمەرگەیەکی کاکەیی لە لایەن چەند کەسێکی سەر بە حەشدی شەعبی ڕووی داوە.
ئەمە سووکایەتی و بێڕێزییە بە ئازادی و بیروباوەڕی کاکەییەکانە کە بە ئایین و باوری کاکەی (یارسان )وەک ئایینێکی ڕەسەنی کوردی کە مێژووی چەند هەزار ساڵەیان هەیە. کە هەمێشە بۆنەتە قوربانی بیری سیاسی و ئایینی دەسەڵاتداران لە هەموو بەشێکی کوردستاندا.
ئێمە وەک هاوپەیمانیی سەربەخۆییخوازانی کوردستان جەختیش دەکەینەوە بە هەموو توانایەکمان پشتگیری خوشک و برا کاکەییەکانمانین و داواش لە حکومەتی هەرێم دەکەین کە هەموو هەوڵی خۆیان بۆ بەدواداچوونی یاسایی ڕووداوەکە بکەن و ڕێگە چارەسەر بۆ ڕوودانی هەر چەشنە کردەوەیەک هاوشێوە بن لە ناوچەکە.
هاوپەیمانیی سەربەخۆییخوازانی کوردستان:
ڕێکخراوی یارسانیی یاری کورد
بزووتنەوەی سەربەخۆییخوازانی کوردستان
تەڤگەری ڕزگاریخوازانەی دێموکراتیکی کوردستان
یەکێتیی شۆڕشگێڕانی کوردستان
پارتی وڵاتپارێزانی کوردستان
