١٣٠ پەناخوازی تر لە دەریای ئێژە بە ئاودا چوون

0
724

بە پێی زانیارییەکانی ڕۆژی کورد لە تورکیەوە، ئەمشەو بۆ جارێکی تر لە دەریایی ئێژەدادا  ١٣٠ کۆچبەری ناو بەلەمێک نوقم بوون.

زانیارییەکان باس لەوە دەکەن کە نزیک کات ژمێر هەشتی ئەمشەو ١١ی ڕێبەندان، بەلەمێک کە بە شێوەی قاچاخ لە تورکیاوە کۆچبەرانی بۆ یۆنان دەگواستەوە نوقم بووە و بەپێی زانیارییەکان ١٣٠ی کۆچبەری تێدا بووە.

ئەوەش لە کاتێکدایە کە لە ٢٠ی ژانویەی ئەو ساڵدا  بەلەمێک نوقم بوو کە ٨٠ سەرنشینی هەڵگرتبوو، بەهۆیەوە ژمارەیەک کورد خنکان کە زۆربەیان خەڵکی ڕانیە و قەڵادزێی باشووری کوردستان بوون.

لە دوای مەرگی دڵتەزێنی ئالان ـی کورد کە منداڵە کوردێکی کۆچبەری ڕۆژئاوای کوردستان بوو، ئەوە جاری چەندەمینە کە خەڵکی پەناخواز لە ئاوەکانی ئێژەدا دەمرن و نوقم دەبن.

لە ڕووداوی ٢٠ی ژانویەدا زیاتر لە ٦٠ کەس ژیانیان لە دەست دا کە لانیکەم ٦یان منداڵ بوون.

هەر لەو ساڵدا بنەماڵەی چالاکێکی سیاسی کوردی خۆرهەڵاتی کوردستان کە پێکهاتبوو لە ژن و مێرد و دوو کجەکەیان لە ئاوەکانی تورکیە بەرەو یونان، گیانیان لە دەست دا.

سه‌رنج و كۆمێنت

كۆمێنت

بابەتی پێشووحامید مائیلی: بێلایەن بوونی حیزبەکان باشترین و گونجاوترین هەڵوێستە
بابەتی دواترژنێکی لاو لە شنۆ خۆی کوشت

Leave a Reply

This site uses Akismet to reduce spam. Learn how your comment data is processed.