بارام قاسمی وتەبێژی وەزارەتی دەرەوەی ئێران لە کۆبوونەوەیەکی ڕۆژنامەوانی لە تاران وتی، هیچ کەس و لایەنێک ناتووانێت ئێران ناچار بکات سووریە بەجێ بهێڵێت.
ڕۆژی کورد: بەهرام قاسمی، وتەبێژی وەزارەتی دەرەوەی ئێران له کۆنگرەیەکی ڕۆژنامەوانی لە شاری تاران پێتخەتی حکوومەتی فارشیزمی ئیسلامیی ئێران، وتی: “هیچ کەس و لایەنێک ناتووانێت ئێران ناچار بکات سووریە بەجێ بهێڵێ”.
ڕۆژی دووشەمە ۲۱ی مەی ۲۰۱۸ی زایینی بەرانبەر لەگەڵ ۳۱ی بانەمەڕی ۲۷۱۸ی کوردی، بەهرام قاسمی، وتەبێژی وەزارەتی دەرەوەی ئێران لە کۆنگرەیەکی ڕۆژنامەوانی لە شاری تاران، لە وڵامی ئەم پرسیارەی ڕۆژنامەوانێکدا کە پرسی (عرووس خوازیاری بەجێهێشتنی هێزە بیانییەکانە لە سووریە، ئایا ڕێگەی تێدەچێت عرووس ئێران ناچار شکە لە وڵاتی سووریە بچێتە دەرەوە؟)، ڕایگەیاند: “هیچ کەس و لایەنێک ناتووانێت ئێران بۆ هیچ شتێک ناچار بکات، ئێران تا ئەو کاتەی کە پێویست بێت و حکوومەتی سووریە داوای لێی بکات، بەردەوام ئەبێت لە سەر مانەوەی لەو وڵاتە”.
ڕوژی پێنجشەمەی ڕابردوو، ۱۷ مەی ۲۰۱۸ی زایینی بەرانبەر لەگەڵ ۲۷ی بانەمەڕی ۲۷۱۸ی کوردی، سەرۆک کۆماری عرووس، ڤلادیمیر پووتین هاوکات لەگەڵ بەشار ئەسەد، لە کۆبوونەیەکدا ئاماژەی بە چوونە دەرەوەی هێزە بیانییەکان لە خاکی سووریە کرد و وتی: “لە ئێستادا پێویستە هێزە چەکدارە بیانییەکان خاکی سووریە جێی بهێڵن و لەو وڵاتە بچنە دەرەوە”.
وتەبێژی وەزارەتی دەرەوەی ئێران لە درێژەی قسەکانیدا ڕایگەیاند، ئێران لەگەڵ ئەو وڵاتە ئەورووپاییانەی کە بەشێکن لە ڕێککەوتننامەی ئەتۆمی و وڵاتانی پێنج کۆ یەک لەگەڵ حکوومەتی کۆماری ئیسلامیی ئێران له کۆبوونەوەکانیان بەردەوام دەبن.
قاسمی لە کۆتایی قسەکانیدا ئاماژەی بەوە کرد کە ئێران چاوەڕێی وڵاتانی ئەورووپایە هەنگاوی مکووڕانەتر هەڵگرن و وتی: ” ئێران سەیری گوتار ناکات، بەڵکوو سەیری کردار و پراکتیک دەکات”.
ئەمڕۆ، مایک پەمپئۆش لە لیدوانی خۆی لەمەڕ دانانی گەمارۆ لە ئێران، باسی لەوەی کرد کە دەبێ هێزەکانی ئێران لە سووریە بچنە دەر.
