مەکدۆنیا: شەڕ و پێکدادان لە نێوان پۆلیسی مەکدۆنیا و پەنابەران لە سەر سنووری یونان هاتە ئاراوە

به‌هۆی‌ ناڕه‌زایی‌ پەنابەران دژ به‌ داخستنی‌ سنوره‌كان، شه‌ڕ و پێكدادان له‌نێوان پۆلیسی‌ مه‌كدۆنیا و پەنابەران له‌ كه‌مپیی‌ ئه‌دۆمینی‌ ڕوویدا. پۆلیسی‌ مه‌كدۆنیا له‌ ڕێی‌ گازی‌ فرمێسكڕێژ و بۆمبی‌ ده‌نگییه‌وه‌ كۆتایی‌ به‌و ناڕه‌زایی‌ ده‌ربڕینه‌ هێنا، پاش ئه‌وه‌ی‌ پەنابەران ویستیان به‌سه‌ر دیواری‌ جیاكه‌ره‌وه‌ی‌ نێوان یۆنان و مه‌كدۆنیا سه‌ربكه‌ون و بچنه‌ ناو خاكی‌ مه‌كدۆنیاوه‌. ئه‌و پێكدادانه‌ پاش ئه‌وه‌ ڕوویدا، نزیكه‌ی‌ 500 پەنابەر لە ناو كه‌مپی‌ ئه‌دۆمینی‌ له‌ كۆی‌ 11 هه‌زار كۆچبه‌ر ویستیان بچنه‌ ناو خاكی‌ مه‌كدۆنیاوه‌، ئه‌وه‌ش پاش بڵاوبوونه‌وه‌ی‌ ده‌نگۆی‌ كردنه‌وه‌ی‌ سنوره‌كان. كه‌مپی‌ ئه‌دۆمینی‌ نزیكه‌ی‌ 11 هه‌زار پەنابەر تێدا گیریان خواردوه‌ و ڕێگایان پێ نادرێت بپه‌ڕنه‌وه‌ به‌ره‌و وڵاتانی‌ ئورووپایی، پاش ئه‌وه‌ی‌ له‌ مانگی‌ ڕابردوه‌وه‌، ئورووپا سنوره‌كانی‌ به‌ڕووی‌ ئه‌و پەنابەران داخست.

سه‌رنج و كۆمێنت

كۆمێنت