فدریکا موگرینى بەرپرسی سیاسەتى دەروەى ئەوروپا لە سەفەرێکى بۆ تاران ئەمڕۆ لە گەڵ وەزیرى دەرەوەى ئێران کۆبوە دواترین پێشهاتەکانى ناوچەو سیاسەتى نێوان ئێران و ئەوروپایان تاوتوی کرد.
چالاکانى بوارى مافى مرۆڤ لە ئێران و ئەوروپا چاوەڕوانى ئەوە لە موگرینى دەکەن کە لە گفتۆگۆکانیان دا ئاماژە بە رەوشی خرابى مافى مرۆڤ لە ئێران دا بکات.
چەند ئەندامى پەرڵەمانى ئەوروپا لە نامەیەک دا بۆ موگرینى ئەو پێشێلکاریانەى مافى مرۆڤ لە ئێران ئاماژە پێداوە بەڵام بەرپرسی مافى مرۆڤى ئەو یەکێتیە لەو سەفەرە دا هاوڕێیەتى موگرینى ناکات.
شایانى باسە دواى ڕێککەوتنى ئێران ڕۆژئاوا بەردەوام ڕەخنەى بەرچاو نەگرتنى پێشێلکاریەکانى مافى مرۆڤ لە لایەن ڕۆژئاوا لە لایەن چالاکانى مافى مرۆڤەوە دەگیرێت و لە و باوەڕە دان بەرژەوەندى ئابورى وا دەکات ڕۆژئاوا چاوپۆشی لە کردەوە نامرۆڤانەى ئێران بکەن.
