بە هۆكاری نەداری و هەژاری كرێكارێك لە شاری جوانرۆ كۆتایی بە ژیانی خۆی هێنا.
رۆژی سێشەممە ٢٧ی رێبەندانی ١٣٩٤، كرێكارێكی جوانرۆیی بە ناوی جەبار قادری لە رێگای خۆهەڵواسینەوە كۆتایی بە ژیانی خۆی هێنا.
بە پێی ئەم ههواڵه ، جەبار قادری كە كاری كاشیكاری دەكرد چەند مانگێكە لە سەر كارەكەی دەر كراوە و بێكاری و هەژاری وای لێكرد كە كۆتایی بە ژیانی خۆی بێنێ.
جێگەی باسە كە ئاماری خۆكوشتن لە كوردستانی ڕۆژههڵات و له ژێر سایهی ڕژیمی ئیسلامیی ئێاران و بە هۆی بێكاری و هەژارییەوە رۆژ بە رۆژ پەرە دەستێنێ.
شایانی ئاماژەیە کە ڕێکەوتی ٩ی ژانویەی ٢٠١٦، پیاوێکی دانیشتووی گەڕەکی کانی کووزەڵەی شاری سنە لە برسێتیان و لە بێ دەرەتانی ئەوەی کە نەیتوانیوە نان بۆ ژەمە خواردنێکی پەیدا بکا، هەوڵی داوە خۆی بداتە بەر ماشێن و کۆتایی بە ژیانی خۆی بێنێ. ئەو پیاوە پێش ئەوە کە هەوڵی خۆکوشتن بدا، زۆر فەقیرانە و لە ئاو هەوایەکی سارد و بەفراوی دا، بۆ کۆڵانەکان دا رۆیشتووە و لەدەرگای ماڵانی داوە تا بەڵکوو کەسێک نان یا پارەی بەشی ژەمەنانێکی پێ بدا.
