زێنەب شەرەفکەندی، خوشکی مامۆستا هەژار و دوکتور سادق کۆچی دوایی کرد

0
1485

ڕۆژی کورد: بەپێی زانیاریی گەیشتوو بە ناوەندی ڕۆژی کورد، ڕۆژی چوارشەممە 15ی نڤوامب بەرانبەر بە ٤ی خەزەڵوەی ١٣٩٦ی هەتاوی “زێنەب خانمی شەرەفکەندی” خوشکێ، شاعیر و وەرگێڕی ناوازەی کورد مامۆستا هەژار شەرەفکەندی و دوکتور سادق شەرەفکەندی، ڕێبەری ناوداری کوردستانی ڕۆژهەڵات، کۆچی دوایی کرد.

کۆچکردوو خاتوو زێنەب شەرەفکەندی، لە شاری مهاباد کۆچی دوایی کردووە و ئەمڕۆ بە بەشداریی کۆمەڵێکی بەرچاو لە خزم و کەسانی و خەڵکی شاری مهاباد،  لە خانەقای شێخی برھان ، لە پەنا گڵکۆی باب و باپیرانی بە خاک سپێردرا.

خاتوو زێنەب شەرەفکەنی، کەسایەتییەکی خۆشەویستی ناو کۆمەڵانی خەلک و بەتایبەتی شاری مهاباد بوو،

بەشی سەرەکیی ژیانی پڕاوپڕ بوو لە ئازاری غەریبی و دووری و ژانی جەرگبڕی لەدەست دانی ئازیزان و خۆشەویستانی.

کۆچی دوایی مامۆستا هەژار، شەهید و تیرۆرکرانی دوکتور سادق و کۆچی دوایی میرزا عەبدووڵای برای، بەشێک لە ئازارەکانی زێنەب خانم، وەک زۆربەی ژنانی کورد بوو.

کۆچکردوو خاتوو زێنەب، ژنێکی شۆڕشگێڕ و نیشتمانپەروەر بوو و کۆچی دواییان، زامێکی ترە بەسەر جەستەی نیشتمانەوە.

ناوەندی ڕٶژی کورد، وەک ناوەندێکی کوردیی کارا و سەربەخۆ، سەرەخۆشیی خۆی بە بۆنەی کۆچی دوایی خاتوو زێنەب شەرەفکەندی، لە سەرجەم کوردستانی ڕۆژهەڵات بە گشتی و خەڵکی مهاباد و کەس و کاری بەتایبەتی دەکات و هیوامان ئارامیی ڕەوانی کۆچکردوو و سەرساخیی خزم و کەس و کاریەتی.

 

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.