لە دواى لێدانى خەندەقێکى گەورە کە هەر لە رەبیعەوە تا دەگاتە خانەقین کە لە زۆر شوێن تەواو بوە وەکو یەکەمین هەنگاوى دەست نیشانى کردنى سنورى نێوان کوردستان وعێراق ئێستاش لایەنە سەربازیەکانى حکومەتى هەریمى کوردستان باس لە دروست کردنى قەڵاى سەربازى لە سەر ئەو خەندەقەوە بە درێژاى سنور دەکەن.
لەوبارەوە عەگید تەها تیمارى فەرماندەى فریاکەوتن و بەرگرى لە ناوچەى تەللوەردى کەرکوک ڕایگەیاند “هێزى پێشمەرگە بەدرێژایى ناوچە سنوریەكانى هەرێمی كوردستان قەڵاى سەربازى لەسەر سەنگەرەكانى درووست دەكات”.
هەوروەکو لە ئامانجى دروست کردنى خەندەقیش پێش تر گوترابوو کە ئامانج لەو چالاکیە سەربازىە پاراستنى سنورى هەڕێمى کوردستان و بەرگرى کردن لە هەر هێرشەکى تیروریستى یا هەر گروپیکى تر بۆ سەر خاکی کوردستان دەبیت.
هەروەها عەمید روكن هەورامان محەمەد، جێگرى فەرماندەى هێزەكانى پشتیوانى دووى پێشمەرگە، بەدەنگى ئەمەریكاى راگەیاند: “هێزى پێشمەرگە لەنێوان هەر كیلۆمەترێكدا لەناوچە سنووریەكان قەڵایەكى سەربازى درووست دەكات و ، لەو قەڵایەوە چاودێرى سەر سنورى هەرێم دەكات”.
شایانى باسە لێدانى خەندەق و دواتر دروست کردنى قەلاى سەربازى بە ئاشکرا هەوڵى دەست نیشانکردنى سنورى نێوان کوردستان و عێراق دەکرێت کە بە یەکەمین هەنگاو بەر لە گشتپرسی بۆ سەربەخۆى کوردستان دەزانرێت . چونکو بەر لە هێرشی داعش بۆ سەر هەرێمى کوردستان سەرۆکى هەریم بەرێز مەسعود بارزانى داواى لە پەرڵەمانى کوردستان کردبوو ئامادە کارى بۆ ڕیفراندۆم بکریت کە بە هێرشی داعش بۆ سەر هەریمى کوردستان ئەو هەنگاوە دوا کەوت دەست نیشان کردن و پاراستنى بە هێزى سنورەکان لەو سۆنگەیەوە وەکو یەکەمین هەنگاو دەبینرێت.
