ڕۆژی کورد: دادورێکی نیۆیۆرک لە ئەمریکا، حکوومەتی ئیسلامیی ئێرانی بە بەشداری لە کردەوە تیرۆریستییەکەی 11ی سپتامبر بە دانی 10.5 ملیارد دۆلار مەحکووم کرد.
بەپێی راپۆرتێکی رادیۆ فەرانسە، جۆرج دانیال رایگەیاندووە کە پێشتر حکوومەتی ئێسلامیی ئێران لەمەڕ دزینی فرۆکەکان بۆ لێدانی ناوەندی بازرگانیی جیهان تۆمەتبار کرا، بەڵام حکوومتی ئیسلامی وێڕای بێدەنگی نواندن، لەبەر دەم دادگاشدا داکۆکیی لەخۆی نەکرد، بۆیە ئەو حکوومەتە دەبێ قەرەبووی قوربانیان و زیانەکانی ئەو رووداوە بکاتەوە.
بەپێی راپۆرتی دادوەری نیۆیۆرک، 7.5 ملیارد دۆلار دەدرێتە کەس و کاری قوربانیانی ئەو کەسانەی لە ناوەندی بازرگانیی جیهانیدا گیانیان لە دەست دا و ئەو 3 ملیاردەی دیکەش دەدرێتەوە بەو شیرکەتە بیمەییانەی کە تێچووی زیانەکانی ئەو رووداوەیان کەوتبووە ئەستۆ.
لە رووداوی تیرۆریستیی 11 سیپتامبری 2001دا 2.974کەس کوژران و 6.000 کەسیش بریندار بوون.
رۆژی 11ی سپتامبر 4 فرۆکەی جۆری بۆیینگ کەلە سێ فرۆکەخانەی جیا جیاوە بەرەو کالیفورنیا بەرێوە بوون، لەلایەن سەرجەم 19 کەسی سەر بە رێکخراوی تاڵیبانەوە رفێندران و یەکەم،فرۆکە خۆی بە بینای پینتاگۆن و دوو فرۆکەی دیکە خۆیان بە بینای ناوەندی بازرگانیی جیهانیدا کێشا و یەکیشیان لە ویلایەتی پنسیلوانیا بەبێ پێکانی ئامانجەکەی کەوتە خوارەوە.
رووداوی تیرۆریستیی 11 سیپتامبری 2001 بە گەورەترین کردەوەی تیرۆریستی لە،میژووی وڵاتی ئەمریکادا دادەندرێ.
