حەسەن ڕووحانی، سەردانی پارێزگای سنە دەکا

0
582

حەسەن ڕووحانی، سەرۆککۆماری ئێران، ڕۆژی یەکشەممە ٤ی گەلاوێژ-٢٦ی جولای، سەردانی پارێزگای سنە دەکات و بڕیارە لە ستادیۆمی ئیستقلالی ئەو شارە، چاوی بە خەڵک بکەوێ.

بە گوێرەی هەواڵدەریی فارس، سەردانەکەی ڕووحانی بۆ سنە یەک ڕۆژە دەبێت و ناوبراو لە جێگەی خۆی، هەژمارێک لە وەزیر و جێگرەکانی دەنێرێتە شارەکانی تری ئەو پارێزگایە.

لە هەڵبژاردنی سەرۆکایەتیی کۆماردا لە ٢٤ی جۆزەردانی ١٣٩٢ی هەتاویدا، سنە یەکێک لەو پارێزگایانە بوو کە زیاترین ڕێژەی دەنگی بە حەسەن ڕووحانی دابوو ئەوە لەکاتێکدایە کە ناوبراو پاش دوو ساڵ و چوونی بۆ نۆزدەی پارێزگای تری ئێران، سنە بەسەر دەکاتەوە.

پشتگوێخستنی سنە و باقی پارێزگاکانی ڕۆژهەڵاتی کوردستان لە لایەن دەوڵەتی ڕووحانییەوە لەکاتێکدایە کە ڕێفۆرمخوازانی کورد چاوەڕوانیان دەکرد ناوبراو بەڵێنییەکانی سەردەمی بانگەشەی هەڵبژاردن لە هەمبەر کورد و باقی کەمە نەتەوەکان بەجێ بگەیەنێ.

چاوەڕوان دەکرا کە ڕووحانی ئاوڕی زیاتر وە کوردستان بداتەوە و کاربەدەستی کورد[پارێزگار وەک نموونە] بۆ ئەو پارێزگایانە دیاری بکات. بەڵام ئەو چاوەڕوانییە، تا ئێستاش نەهاتۆتە دی.

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.