“بێڕیزیكردن بەكاكەیی و یارسانەكان بێڕێزییە بەرامبەر شكۆی كورد”

خەڵك-
لەبارەی بێڕیزیكردن بە پێشمەرگەیەكی كاكەیی و تاشینی سەر و سمێڵی لە لایەن حەشدی شەعبییەوە، سەرۆكی هاوپەیمانی سەربەخۆییخوازانی كوردستان بە (خەڵك)ی ڕاگەیاند، بێڕێزی كردن بە كاكەیی( یارسانی) ەكان، هێرش كردنە بۆ سەر شكۆی كورد.

جەماڵ پووركەریم، سەرۆكی هاوپەیمانی سەربەخۆییخوازانی كوردستان بە (خەڵك)ی ڕاگەیاند، بێڕێزی كردن بە كاكەیی( یارسانی) ەكان، هێرش كردنە بۆ سەر شكۆی كورد.

دەشڵێت، ئەوەی ڕوویدا درێژەی یەك سیاسەتە، لە ڕۆژهەڵات سوپای پاسداران و لە باشوور حەشدی شەعبی بەڕێوەی دەبات.

ئاماژە بە ئەوەش دەكات، ئەو بێڕێزییەی بە پێشمەرگەیەكی كاكەیی كرا لە هەمان سیاسەت و بێڕێزیەوە سەرچاوە دەگرێت كە سوپای پاسدارانی ئێران بەرامبەر كیومەرس تەمناكی یارسانی ئەنجامی دا و بە زۆر سمێڵیان تاشی و لە ئەنجامدا نیكمەردی تاهیری بە نیشانەی ناڕەزایەتی بەو بێڕێزیە ئاگری لە جەستەی خۆی بەردا و گیانی بەختكرد.

ڕۆژی 23\7\2022 مەفرەزەیەكی حەشدی شەعبی، هەڵیان كوتایە سەر (پ.م ئەیمەن عەبدی جاسم)، پێشمەرگەی لیوای٩ ی پیادەی سەر بە وەزارەتی پێشمەرگە، و ڕیش و سمێڵیان تاشی.

“بێڕیزیكردن بەكاكەیی و یارسانەكان بێڕێزییە بەرامبەر شكۆی كورد”