بنەماڵەیەکی چالاکی مەدەنی لە مەریوان، بە هۆی زەخت و گوشاری ئەمنیەتیی کۆماری ئیسلامییەوە، زێدی خۆیان بەجێهێشت

0
1024

ڕۆژی کورد :
هاوکات لەگەڵ زۆربوونی گوشارە نێودەوڵەتییەکان دژ بە کۆماری ئیسلامی، گوشاری ناوەندە ئەمنییەتییەکانی ئەم ڕژیمە و بۆ سەر ئۆرگان و چالاکانی مەدەنی لە ڕۆژهەڵاتدا و بەرتەسک کردنەوەی تێکۆشانیان بە شێوازی جۆراوجۆر، ڕووی لە زیادبوونە.

مەریوان وەکوو شارێکی زیندوو و خاوەن مێژوویەکی زێڕین لە خەباتی شاردا، پشکێکی زیاتری لەو گرتن و بانگهێشت و لەمپەرانەدا بەرکەوتووە و چالاکانی ئەم شارە ڕۆژانە دەکەونە بەر پەلاماری هێزەکانی ڕژیم.
حسەین حسەینی و نەسرین خۆشنەوازیان دوو چالاکی مەدەنی و فەرهەنگی ئەم شارەن و لە ئیمساڵدا دوای بانگهێشت کردنی بەردەوامیان بۆ ناوەندە ئەمنییەتییەکان و لێپرسینەوە لێیان بە هۆی کار و چالاکییانەوە؛ سەرەتا بڕیاری دەست لە کار کێشانەوەیان دا لە ناوەندە فەرهەنگی و هونەرییەکاندا تا لەمپەر لە ڕەوتی چالاکیی ڕێکخراوە مەدەنییەکاندا ساز نەبێ و زەخت لەمان نەبێتە کۆسپی سەر ڕێی تێکۆشانی (NGO) کان. بەڵام گوشارەکانی ناوەندە ئەمنییەتیەکان بۆ سەر ئەم دوو چالاکە درێژەی هەبوو و سەرەڕای ئەوەی چەند مانگێک دابڕابوون لە ئەنجومەنەکان، بەڵام هەر لە ژێر چاودەێری و گوشاردا بوون و تەنانەت بنەماڵەکانیشیان بەردەوام لێپرسینەوەیان لێدەکرا. بۆیە بە ناچاری ڕۆژهەڵاتیان بەجێهێشت و ئاوارەی باشووری کوردستان بوون. حسەین و نەسرین هاوسەرن و خاوەنیی دوو منداڵن. چالاکانی مەدەنی هاوچارەنووسی ناوبراوان، ڕێژەیەیەکی بەرچاویان پەیداکردووە و باشووری کوردستان و وڵاتانی دراوسێی ئێران و سەرەنجام هەندەران، بۆتە داڵدەی هەڵسووڕاوان و خەمخۆرانی ڕۆژهەڵاتی کوردستان.

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.