ئوسترالیا بەشێک لە گەمارۆکانی خۆی لەسەر ئێران لابرد

0
610

لەدوای ڕێککەوتننامەی بەرجام تا ئێستاش پەیوەندی ئابووری و بازرگانییەکانی نێوان وڵاتان، کۆمپانیاکان، بانکەکان و زۆرێک لە وڵاتان، ئاسایی نەبونەوە، ئێرانی شلەو بارەوە گلەیی خۆی هەیە و باڵی تووندئاژۆی نیزامیش دەڵێن ڕووحانی ئەو بانگەشەی تەنیا بۆ هەڵبژاردنەکان بەکار هێناوە و لە ڕاستیدا بەرجام هیچی بۆ ئێران تێدا بەستە نەبووە و هەر هەموو جیهان خۆ لە پەیوەندی و کردنەوەی دەرگاکانی بە ڕووی ئێراندا دەبوێرێت، بەڵام ئوسترالیا یەکەم وڵاتە کە ڕایدەگەیێنێت گەمارۆکانی خۆی لەسەر ئێران لادەبا، ئەوە شلە حاڵێکدایە کە هەندێ لە ئەیالەتەکانی ئامریکا گەمارۆی نوێیان لەسەر ئێران داناوە.

فەرمانگەی کاروباری دەرەوە و بازرگانی ئوسترالیا ڕایگەیان کە کۆمپانیا ئوسترالیاییەکان لەوە بەدوا تا ڕێژەی ٢٠ هەزار دۆلاری ئوسترالیایی بۆ پەیوەندی کردن و مامەڵە لەگەڵ ئێران، پێویستیان بە ئیزن و مۆڵەت نییە. شایانی باسە کە ئەوە یەکەم هەنگاوی دەوڵەتی ئوسترالیایە بۆ نیان کردنەوەی پەیوەندی لەگەڵ ئێران لە دوای ساڵی ٢٠٠٨ تا ئێستا. ساڵی ٢٠٠٨ وڵاتی ئوسترالیا بە هۆی چالاکییە ناوکیەکانی ئێران و هەروەها گەمارۆ ناونەتەوەییەکان لە دژی ئێران، هەندێ لە مامەڵە و بازرگانییەکانی خۆی لە ئێران هەڵپەساردبوو.

لە هەمان کاتدا دەوڵەتی ئوسترالیا ڕاشیگەیاندووە کە هەندێ سنوور کە بۆ هاوردە و هەناردەی کەل و پەلی هەستیاری وەک چەک و چۆڵ و موشەکی بالستیک لەگەڵ ئێران و هەروەها گەمارۆ بە دژی کەسەکان و هەندێ بنکەی تایبەت، هەروا لەسەر جێی خۆی دەمێنێتەوە.

لە لایەکی ترەوە بنکەی چاوەدێری بە دژی دراوشۆردنەوەی ئوسترالیا (AUSTRAC) ڕایگەیاند: سەرجەم ئاڵووگۆڕییەکانی دراو لەگەڵ ئێران و کورەی باکوور و هەروەها ئەو کەسانەی کە پەیوەندییان لەگەڵ ئەو دوو وڵاتە هەبێ بە وردی دەکەونە ژێر چاوەدێری.

هەروەها ئەو بنکەیە گوتیشی: ئەو بنکە و کەسانەی کە لەگەڵ ئێران و کوریای باكوور لە پەیوەندیدان دەبێ ئەو ەباش بزانن کە هەبوونی پەیوەندی لەگەڵ ئەو دوو وڵاتە مەترسییەکی زۆری لەسەرە .

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.