ئامریکا و سووریە بڕیاری ئاگربەست لە سووریەیان دەرکرد

0
3212

ئەمڕۆ دووشەممە ڕێکەوتی ٣ی ڕەشەممە بەرابەر بە ٢٢ی فێوریە، هەندێک دیپلۆماتی ڕۆژئاوایی ڕایانگەیاند کە ئەمریکا و ڕووسیە، پێش نووسی ڕێککەوتنی ئاگربەست لە سووریە لە ڕۆژی شەممە ٢٧ی فێوریەیان، واژۆ کردووە. ئە وپێش نووسە هەروەها بانگهێشت کردن لەق گرووپانە کە هاوڕای دەست پێکردنی ئاگربەستەکەن، لە خۆ دەگرێ.

ڕیاز حیجاب، سەرۆکی دەستەی باڵای دانوستانەکانی دژبەرانی سووریە وێڕای ئەوەی کە داوای گارانتی ناونەتەوەیی بۆ ناچار کردنی سووریە، ئێران و شێوەسەربازییە فیرقەگەراکان کرد کە پێبەندی ئاگربەستەکە بن و لە هەمان کاتێشدا داوای کرد کە ناوچە گەمارۆدراوەکان لە ژێر گەمارۆ بێنە دەر و زیندانیەکان ئازاد بکرێن، لەو بارەو ەگوتی: گرووپە شۆڕشگێڕەکان بەو مەرجە کە ناوبژیوانی ناونەرەوەیی لە ئارادا هەبێ، لەگەڵ ئاگربەسەتەکە کۆک دەبن.

لە لایەکی ترەوە هادی ئەلبەحرە، سەرۆکی پێشووتری هاوپەیمانی نەتەوەیی ئۆپۆزیسیۆنی سووریە، پێداگری کرد کە ئە وئاگربەستە پەیوەستە بە پێ مل بوونی سووریە بە ڕاگرتنی بۆمباردمانەکان. ناوبراو هەروەها لە وتووێژێک لەگەڵ ئەلعەرەبیە گوتی: پیویستە موسکۆ گوشار بخاتە سەر ئێران و رێکخراوەکانی سەر بە ئێران تا کۆتایی بە هێرشەکانی خۆیان بهێنن.

شیاوی ئاماژەیە کە هەروەک لە دانیشتنی پێشووی ئەو وڵاتانە لە ئاڵمان ڕاگەیێندرابوو، ئەو ئاگربەستە، بەرەی نووسرە و داعش لە خۆ ناگرێ.

تا ئێستاش دیار نیە ئیران لە هەمبەر ئەو ڕێککەوتنە چ پەرچەکردارێکی دەبێ.

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.