ئامریکا دۆخی تایبەتی بە دژی ئێران نوێ کردەوە

0
3517

دوای ئەوەی کە ئەمڕۆ چوار شەممە ١٩ی ڕەشەممە فەرماندەی هەوافەزای سپای پاسدارانی کۆماری ئیسلامی لە دوای تاقیکردنەوەی مووشەکێکی دوور هاوێژ لە ڕۆژی سێ شەممە١٨ی ڕەشەممە، بتاقیکردنەوەی دوو مووشەکی دوورهاوێژی تر بە ناوەکانی (قەدەر ئێچ) و (قەدەر ئێف)  ڕایگەیاند کە  ئەو مووشەکە دوورهاوێژانە بۆ لێدان و پێکانی دووردەست ترین دوژمنمان واتا ئیسراییل ساز کراون و داڕێژراون، باراک ئۆباما ڕایگەیاند کە دۆخی تایبەت بە دژی ئێران بۆ ماوەی یەک ساڵی تر نوێ دەکاتەوە.

ئەمڕۆ چوارشەممە ١٩ی ڕەشەممە، سەرۆک کۆماری ئەمریکا، باراک ئۆباما، فەرمانێکی دەرکرد کە بە پێی ئەو فەرمانە سەرەرای ڕێککەوتننامەی ناوکی لە نێوان ئێران و وڵاتانی پێنج کۆی یەک، بە هۆی ئەوەی کە ئێران ئێستاش هەڕەشەیەکە بۆ سەر تەناهی و ئاساییشی نەتەوەیی ئەمریکا، بۆ ساڵێکی تر دۆخی تایبەت بە دژی ئێران ڕاگەیێندراوە و واژۆ کراوە.

ئەو فەرمانە کردەییە، هەمان فەرمانی کردەیی ١٢٩٥٧ـە کە بیل کلینتۆن، سەرۆک کۆماری ئەمریکا، ساڵی ١٩٩٥ بە مەبەستی پەرەپێدانی گەمارۆکان بە دژی پیشەسازی نەوتی ئێران، دەری کردبوو.

هەروەها باراک ئۆباما لە نامەیەکی تردا کە بۆ سەرۆکی پارلمانی ئەرمیکا و سەنای ئەو وڵاتەی نووسیوە باسی لە جێ بە جێ کردنی پێکهاتنی هەمەلایەنەی ناوکی لەگەڵ ئێران و لابردنی گەمارۆکانی کردوە بەڵام پێداگری کردووە کە گەمارۆ ناناوکێکان وەک پێشوو هەر لەسەر جێگای خۆیانن و لانەچوون.

سه‌رنج و كۆمێنت

كۆمێنت

Leave a Reply

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.