بەپێی لێدوانی بەرپرسی گشتی پزشکی یاسایی پارێزگای سنە لە ناوەی هەشت مانگی ڕابردوودا، ٣٣ کەس لەو پارێزگایە بە هۆی مادە هۆشبەرەکانەوە گیانیان لە دەست داوە کە لەو رێژەیە ٢٩ پیاو و چواری تر ژن بوون.
غوڵامڕەزا هوماینپوور لە وت و وێژ لەگەڵ هەواڵدەراندا گوتی: لە ماوەی هەشتی مانگی ڕابردوودا، ٣٢ کەس لەو پارێزگایە بە هۆی بەکارهێنانی مادە هۆشبەرەکانەوە گیانیان لە دەست داوە و مردوون کە لە بەراورد بە ڕێژەی ٢٥ کەسی لە ساڵی پاردا، ٣٢ لەسەر بەرز بۆتەوە.
ناوبراو هەروەها گوتی: لەو هەشت مانگەی دوایی ئەو ساڵدا ٢٩ پیاو و ٤ ژن بەو هۆیەوە مردوون کە ساڵی پار ٢٢ پیاو و ٣ ژن بەو هۆیەوە مردبوون.
شایانی باسە کە بە پێی ڕاپۆرتە ناونەتەوەیی و ناوچەیی و هەروەها بانگەشەی چالاکانی سیاسی و مەدەنی، ئێران خۆی یەکێک لە بەرهەمهێنەرەکانی هەندێک لە مادە هۆشبەرەکانە و ئەو بەرهەمهێنانە بەتایبەتی لە ناوچە کەمینەنشینەکانە و لە بەشی کوردستانییشدا سێ شار، شنۆ، پیرانشار و بەتایبەتی سەردەشت، بە کارگا بەرهەمهێنەرەکانی شیشە، ئاخندراون و سەرجەم ئەو کارگایانە لە لایەن کەسانی سەر بە لایەنە دەوڵەتییە سەربازییەکانی وەک سپاس و سپای قودسن و ئاسانکاری تەواویان بۆ دەکردرێت.
