یەکێتی ئوروپا: تاقیکردنەوەی موشەکیی ئێران پێشێل کردنی ڕێککەوتنەکان نییە بەڵام کێشە خوڵقێنە

0
132

تاقیکردنەوەی ٣ موشەکی ئێران لە ماوەی ٢ ڕۆژدا، هەاریەکیزۆری لێکەوتەوە و ئەمریکا و ئاڵمان و فەڕانسە و ئیسراییل، هەڵوێستی تووندیان لە هەمبەر گرت و ئەمریکا بە پێشێل کردنی بەرجام ـی ناو برد، بەڵام یەکێتی ئوروپا ڕایگەیاند کە ئەو ەپێشێل کردنی ڕێککەوتننامە و بڕیارنامەی نەتەوە یەکگرتووەکان نییە.

نوێنەری یەکیەتی ئوروپا بۆ سیاسەتی دەرەوە گوتی: تاقیکارییە موشەکییەکانی ئەو دواییانە ئێران، پێشێل کردنی ڕێککەوتننامەی ناوکی نییە و یەکێتی ئوروپاش لە ئێستادا گەرەکی نییە گەمارۆی نوێ بخاتە سەر ئێران بەڵام ئەو تاقیکارییانە گرژی زیاتر دەخاتە ناوچەکە.

فدریکا موگرینی، نوێنەری باڵای یەکێتی ئوروپا بۆ کار و باری پاراستنی و سیاسەتی دەرەوە، لە دوای چاوپێکەوتن لەگەڵ وەزیرەکانی ٢٨ ئەندامی یەکێتی ئوروپا ڕایگەیاند کە لە ئێستادا نایانهەوێ هیچ گەمارۆیەکی نوێ بخەنە سەر ئێران بەڵام چاوەڕوانیان لە ئێران هەیە کە سەرجەم بەڵێنیەکانی خۆی لەهەمبەر جیهان بەجێ بێنێ و پێیان بەڵێندەر بێ.

موگرینی سەرەرای ئەوەی کە ئاماژەی بەوە دا کە ئەگەر بێت و بڕیارنامەی شۆڕای تەناهی نەتەوە یەکگرتووەکان پێشێل بکرێت دەبێ ئەو بابەتە لە شۆڕای تەناهی بخرێتە بەر باس و نەک لە یەکێتی ئوروپا گوتی: ” بە هەر حاڵ ئەوەی کە ئێمە ئاگادارین، ئەو کێشە سەرەکییەیە کە تاقیکارییە مووشەکییەکانی ئێران دەتوانێ لە پیوەندییەکانی ناوچەکە بەرهەمی بهنێنێت ئەوەش لە دۆخێک دایە کە خۆرهەڵاتی ناڤین هیچ پێویستییەکی بە تەنگژەی زیاتر نیە و ئەو تاقیکارییانەش تەنیا تەنگژەی زیاتر بەدوای خۆیاندا دێنن”.

سه‌رنج و كۆمێنت

كۆمێنت

‎وه‌ڵام بده‌وه‌