ڕۆژی کورد: بەپێی ڕاگەیێندراوێک کە لە تۆڕە کۆمەڵایەتییەکان بڵاو بۆتەوە، بڕیارە ڕۆژی هەینی ڕێکەوتی ۲۱ی خەزەڵوەری 1395ی هەتاوی، بە مەبەستی بەرزڕاگرتنی ساڵیادی کۆچی دوایی شاخەوانی کورد نەمر موقبیل هونەر پژوو لە باژێڕی بۆکان، کۆڕیادێک ساز بکرێت.
دەقی ڕاگەیێندراوەکە بەو شێوەی خوارەوەیە:
هاوشارییانی بە ئەمەگ و خۆشەویستی شاری بۆکان ئاگادار دەکەینەوە؛
بڕیارە ڕۆژی هەینی ڕێکەوتی ۲۱ی گەڵاڕێزان، بە بۆنەی بەرزڕاگرتنی ساڵیادی کۆچی دوایی شاخەوانی قارەمانی وڵاتەکەمان، نەمر موقبیل هونەر پژوو، هەر وەک ساڵانی پێشوو، کۆبوونەوەیەک لە سەرگڵگۆی ئەو نەمرە ساز بێت؛هەر بۆیە داوا لە هەموو هاوشارییانی بەئەمەگی شارە جوانەکەمان دەکەین، ڕۆژی پێنج شەممە ڕێکەوتی ۲۰ی گەڵاڕێزان، بۆ خاوێن کردنەوەی ڕێگای کۆسە هەتا بەردەزەرد هەموو هاوکار بین تا بتوانێمان هێمایەکی جوانتر لەو شۆێنە و شارە جوانەکەمان بنوێنین.
شوێن و کاتی کۆبوونەوە: پێنج شەممە ۲۰ی گەڵاڕێزان، کاتژمێر ٢ و نیوەی پاشنیوەڕۆ، کێوەڕەش سەرەتای جادە کۆسە.
جێی ئاماژەیە نایلۆنی زبڵ و دەستکێش لە شوێنی کۆبوونەوەدا دابەش دەکرێت.
