ڕۆژی خوێندکار لە زانکۆی پەیام‌نووری مەریوان لە دۆخێکی تەواو ئەمنییەتیدا بەڕێوەچوو

0
14

ڕۆژی کورد: گوشار بۆ سەر چالاکانی خۆێندکاری بەردەوامە و دۆخی زانکۆی پەیام‌نووری مەریوان لە لایەن هێزەکانی سپا و لباس شەخسییەکانی سەر بە ئیدارەی ئیتلاعات بە تەواوی ئەمنییەتی کراوە. زانکۆی پەیام‌نووری مەریوان، لە دۆخێکی تەواو ئەمنییەتیدایە.

بە پێی هەواڵی هەواڵنێری ڕۆژی کورد لە شاری مەریوان لە ڕێکەوتی ۱٤ی سەرماوەزی ١٣٩٦ی هەتاوی، لە زانکۆی پەیام‌نووری مەریوان، بەبۆنەی ڕۆژی خوێندکارەوە ڕێوڕەسمێک لە لایەن زانکۆوە بەڕێوەچوو.

لەم ڕێوڕەسمەدا، بە پێچەوانەی ساڵەکانی ڕابردوو کە چالاکییەکانی خوێندکارانی ئەم زانکۆیە ناوزەدی لە کوردستان دەرکردبوو، ئەمساڵ ئەم ڕێوڕەسمە لە دۆخێکی تەواو ئەمنییەتی بەڕێوەچوو.

بە وتەی یەکێک لە خوێندکارانی ئەم زانکۆیە لە کاتی بەڕێوەچوونی ئەم ڕێوڕەسمە، هۆڵیی گشتیی زانکۆ پڕ ببوو لە ئەندامانی بەسیج و حەراسەتی زانکۆ، هەروەها هێزە لیباس‌شەخسییەکانی ئیدارەی ئیتلاعات کە کەسانێکی تایبەتیان بۆ چاوترسێن‌کردنی خوێندکاران دیاری کردبوو.

زانکۆی پەیام‌نووری مەریوان، کە هەمیشە لە چالاکیی خوێندکاریدا سەرچەشن بووە، ئەمساڵ لە دۆخێکی تەواو ئەمنییەتیدایە و بە هەموو شێوازێک هەوڵ دەدرێت هەموو چالاکییەک لەم زانکۆیەدا قڕ بکرێت.

هەروەها جێگەی ئاماژەیە بەبۆنەی بانگکردن و لێپرسینەوە و هەڕەشەی ئیتلاعات لە کۆمەڵێک لە چالاکانی خوێندکاریی زانکۆی ناوبراو، گوشار و کۆسپی زۆر لەسەر ئەم خوێندکارانەیە و ئەمە بووەتە هۆی کزبوونی چالاکییەکان.

لە ڕیزی یەکەم:
لە چەپەوە سێیەم کەس ڕەئیس بەسیجی شاری مەریوانە

سه‌رنج و كۆمێنت

كۆمێنت

‎وه‌ڵام بده‌وه‌