پێشمەرگەیەکی حدکا پاش کێشانئ ٢٠ ساڵ ئەشکەنجە و زیندان، ئازاد کرا

0
327

بەپێی هەواڵی گەیشتوو بە ڕۆژی کورد،عەلی ساڵحی یەکێک لە بە پێشینەترین زیندانیانی سیاسیی کورد، پاش ٢٠ ساڵ ڕاگیران لە زیندانەکانی حکوومەتی ئیسلامیی ئێراندا و پاش تێپەڕاندنی ماوەی حوکمەکەی، لە زیندان ئازاد کرا.

بەپێی ڕاپۆرتی هەواڵنێری ناوەندی رۆژی کورد، عەلی ساڵحی، کوڕی محەمەد ساڵح و خەڵکی روانسەر، کە ساڵی ١٣٧٥ی هەتاوی دەستبەسەر کرابوو، سەرئەنجام پاش ٢٠ ساڵ زیندانی و ئەشکەنجە، لە زیندان ئازاد کرا.

عەلی ساڵحی هاورێ لەگەڵ محەمەد مورادی ٢٠ سال پێش ئیستا لە گوندی “پەسێ”ی سەربە شاری لەلایەن هێزەکانی سوپای پاسدارانەوە دەستبەسەر کران و لەو ماوەیەدا لە مافی مەرەخەسی (مۆڵەتی سەردان) بێبەش بوون.

ئەو دوو چالاکە سیاسییە کوردە بە تاوانی ئەندامەتی لە حیزبی دیمۆکراتی کوردستانی ئیراندا و هەروەها تۆمەتی بەشداری کردن لە شەڕ بە دژی سوپای پاسداران بە ٢٠ ساڵ زیندانیی تەعزیری مەحکووم کرابوون.

محەمەد مورادی، عەلی ساڵحی، والی دروودی و عومەر ئیمامی لە دادگای ئینقلابی کرماشناندا بە شێوەیەکی هاوبەش دۆسیەیەکی هاوبەشیان بۆ کرایەوە و بەرەوڕووی حوکمی ناعادڵانەی دادگای ئینقلاب بوونەوە.

والی دروودی و عومەر ئیمامی هەرکام بە تاوانی ئەندامەتی لە عیزبی دێمۆکراتدا و تۆمەتی شەڕی چەکدارانە بە دژی حکوموەتی ئیسلامی بە زیندنای هەتا هەتایی حوکم دران.

ئەو چوار زیندانییە سیاسییە کوردە ساڵی ١٣٧٧ لە زیندانی دیزڵ‌ئابادی کرماشانەوە بۆ زیندانی شاری یەزد دروو خرانەوە.

سه‌رنج و كۆمێنت

كۆمێنت

‎وه‌ڵام بده‌وه‌