لاوێکی کوردی خه‌ڵكی شاری بۆکان لە لایەن ئیتلاعاتەوە دەست بەسەر کرا

0
222

بەپێی ئەو هەواڵانەی بە “ڕۆژی کورد” گەیشتوون، گەنجێکی شارستانی بۆکان بە هۆکاری ناڕوون و نادیارەوە لە لایەن ئیدارەی ئیتلاعاتی ئەو شارەوە دەست بەسەر کراوە.

ڕێکەوتی ٢١ی ڕێبەندانی ئەو ساڵ، لاوێکی بۆکانی بە ناوی سیروان کەماڵی لەدایک بووی ساڵی ١٣٦٩ی هەتاوی لە ناو ماڵی باوکی لە لایەن سێ مەئمووری ئیدارەی ئیتلاعاتی شاری بۆکانەوە قۆڵبەست و دەست بەسەر کراوە و تا ئێستاش هیچ زانیارییەک لەمەڕ چارەنووسی ناوبراو لەبەر دەست دا نیە.

سیروان کە دەگوترێ لاوێکی کرێکارە و بە هۆی پیری و پەک کەوتەیی باوکی تەنیا ناندەری بنەماڵەکەیەتی، کەسێکی کرێکارە و شیمانەی کار و چالاکی سیاسی لێناکرێت.

بەرپرسانی ئیدارەی ئیتلاعاتی بۆکان لە جیاتی دانی هەواڵ و زانیاری لەمەڕ دۆخی سیروان بە بنەماڵەکەی، لە وڵامی دایکی ناوبراودا گوتوویانە کوڕەکەت کەسێکی گەندەڵ و فاسیدە.

بە پێی زانیارییەکانی ڕۆژی کورد، گرتن و دەست بەسەر کردنی شارۆمەندانی کورد لە شارە جیاجیاکانی کوردستانی خۆرهەڵات بەرەو زیادبوونە.

بە پێی زانیارییەکانی ڕۆژی کورد، تا ئێستا ئیدارەی ئیتلاعات لە چەند شار بە شێوەی تەلەفوونی شەش چالاکوانی بانگهێشتی ئیدارەی ئیتلاعات کردووە.

سه‌رنج و كۆمێنت

كۆمێنت