زەریف: پرۆپاگەندای هەڵبژاردنی ئەمریکا لەسەر بەرجام نابێ بە هەند وەربگیرێت

0
141

لە چەند ڕۆژی رابردوودا، باس لە سازانی ناوکی لەگەڵ ئیران، یەکێک لە سەرەکیترین مژارەکانی پرۆپاگەندای هەڵبژاردن لە ئەمریکایە، لەو ناوەدا ترامپ کوتوویە ک ەسەرەکیترین کاری لە ئەگەری بوون بە سەرۆک کۆمار، هەڵوەشاندنەوەی ئەو سازانەیە، تێد کرووزیش کوتوویە کە ئەو سازانە ڕێک وەک سازانی مونیخ دەچێ.

محەممەد جەواد زەریف، وەزیری دەرەوەی ئیران لە وتووێژێک لەگەڵ دەنگ و رەنگی کۆماری ئیسلامیدا لەو بارەوە دەڵێ کە نابێ ئەو بانگەشە و قسانەی سەردەمی هەڵبژاردن بە هەند وەربگیردرێن چونکە بەرجام بەڵێنییاسایی ئەمریکایە و هیچ پەیوەندییەکی بەو کەسەوە نیە کە لە کۆشکی سپی دا دەسەڵات دەگێڕێ.

زەریف هەروەها لە قسەکانیدا کوتی: ئەمریکا ناچارە بەڵێنییەکانی خۆی بە جێ بێنێ ئەویش نەک تەنیا لەسەر لاپەڕە بەڵکوو لە کردەوەدا.

بەڵام وەزیری دەرەوەی ئەمریکا دەڵێ سازانی بەرجام بەڵێنێکی یاسایی ئەمریکایەوە هیچ پەیوەندییەکی بەوەوە نیە کە کێ لە کۆشکی سپی دەسەڵاتدارە.

 جان کیسیک یەکێکی تر لە بەربژێرەکانی کۆماری خوازەکان بۆ هەڵبژاردنی ناوخۆیی کۆماریخوازەکان دەڵێ کە وای پێ باشە کە لە وڵامی ئەو تاقیکارییە ناوکیانەی ئەو دواییانەی ئێران، رێککەوتنی ناوکی هەڵوەشێنێتەوە.

لە لایەکی تریشەوە پێش نوێژی هەینی تاران، ئەحمەد خاتەمی لە قسەکانی نوێژی هەینی خۆیدا گوتی: ئەوانەی کە باس لە بەرجامی ٢ و ٣ دەکەن و هیوایان بە ڕۆژئاوایە دەبێ باش سەرنج بدەنە قسەکانی بەربژێرەکانی هەڵبژاردنی ئەمریکا و تێبگەن کە ئەوان چۆن بێ ڕێزی بە گەلی ئێران دەکەن.

بەو پێیە پێدەچێ قسەکانی محەممەد جەواد زەریف وڵامێک بێ بە قسەکانی ئەحمەد خاتەمی پێش نوێژیهەینی تاران کە یەکێک لە دژبەرانی دەوڵەتی ڕووحانی یە.

سه‌رنج و كۆمێنت

كۆمێنت

‎وه‌ڵام بده‌وه‌