ڕۆژی کورد: بەپێی هەواڵی گەیشتوو بە ناوەندی ڕۆژی کورد، سبەی هەینی، ۲٦ی خەرمانانی ١395ی هەتاوی، ڕێورەسمێک بەبۆنەی ساڵیادی لەدایک بوونی محەممەد هەوراز، شاخەوانی بەرز و مەزنی کورد، لە نەغەدە بەڕێوەدەچێ.
ئەو ڕێوڕەسمە کاتژمێر ٤:۳٠ ئێوارە لە بناری کێوی سوڵتان بایەقووب لەسەر گڵکۆی شاخەوانی نەمر محەممەد هەوراز بەڕێوە دەچێ.
شارەوانیی نەغەدە و بەرپرسانی باژێڕی نەغەدە، سەرەڕای بڕیاری شارەوانیی ئەو باژێڕە تا ئێستاش پەیکەری محەممەد ئەورازیان لەو باژێڕە دانەناوە.
محەممەد ئەوراز، سالی ١٩٦٩ (بەرامبەر بە ١٣٤٨ی ھەتاوی) لە شاری نەغەدە لە ڕۆژھەڵاتی کوردستان لەدایک بووە و لە تەمەنی مێر منداڵییەوە دەستی بە وەرزشی شاخەوانی کرد. دوای بوون بە ئەندامی دەستەی شاخەوانی نەتەوەیی ئێران پێی داناوەتە سەر ژمارەیەکی زۆر لە چیا ھەرە بەرزەکانی جیھان و لە ناویاندا چیای ئێڤەرست، بەرزترین کێوی جیھان.
محەممەد ھەوراز سالی ١٣٨٢ی ھەتاوی، کاتێک لەگەل شاخەوانی کۆچکردووی کورد موقبیل ھونەرپەژوو دەچوو ھەتا کێوی گاشێربروومی وڵاتی پاکستان ببەزێنێت، کەوتە بن ڕەھێلەی ڕنووی بەفر و دوای چەندین رۆژ مانەوە لە نەخۆشخانەکانی پاکستان، لە ڕێکەوتی ٦ی ئەیلوولی ٢٠٠٣ گیانی لەدەستدا.
