فیلمی “کەژاڵ” لە دەرهێنانی نیما یار کە باس لە دەرد و کێشەی کۆڵبەرانی سەر سنوورەکانی کوردستان دەکات پاش سێ ساڵ مافی بڵاوکردنەوەی پێدرا و بڕیارە بەم زووانە لە سینەماکانی کوردستان بڵاوبکرێتەوە.
ئەم فیلمە چیرۆکی کچە خوێندکارێكی کوردە کە واز لە خوێندن دێنێت و ناچار دەبێت بە هۆی کێشەی بنەماڵەکەی پیشەی پڕمەترسی کۆڵبەری بگرێتەبەر و روو بکاتە سنوورەکانی کوردستان و هەروەها باس لە کێشە و دەرد و ئازارەکانی لە سنوورەکان دەکات کە رێگای گەڕانەوە بۆ ناهێڵێتەوە.
