رۆژی کورد: ئه مڕۆ ڕێكه وتى 2016/6/2 لە شاری هەولێری پێتەختی هەرێمی کوردستانی باشوور، لە بەردەم پاركی شانەدەر گردبونەوەیەكی پشتیوانی لە محەمەد سەدیق كەبودوەند، ڕۆژنامەوان و باوکی مافی مرۆڤی کوردستان، بەڕێوەچوو.
ئەم کۆبوونەوەیە لە لایەن ((رێكخراوی یەكبوونی گەنجان، ماڵپەڕی هەڵوێستو Koncicc Ican-kurdistan Kurdistan without Genocide)) ڕێک خراوبوو ئەم پارت و ڕێكخراوانەش بەشدارییان تێدا كرد:
((ڕێکخراوی ژنانی دێموکراتی ڕۆژهەڵاتی كوردستان، حیزبی زەحمەتكێشانی كوردستان، تۆڕی ڕێكخراوەكانی هەولێر، ڕێكخراوی ژنانی كوردستان، ڕێكخراوی ئاڤیار، كۆمەڵەی خوێندكاران -لقی زانكۆو پەیمانگاكان، تەڤگەری جوانی كورد، یەكێتی لاوانی دیموكراتی كوردستان، پارتی دیموكراتی گەلان، پارتی پارێزگارانی كوردستان، پارتی سەربەخۆیی كوردستان، پارتی كۆماری كوردستان، حیزبی ڕزگاری دەستەی سەرۆكایەتی و یەکیەتی لاوانی دێموکراتی ڕۆژهەڵاتی کوردستان)).
لە سەرەتای ئەو هەڵمەتە ناڕەزایەتییەدا، بەیاننامەیەک چالاکانی مەدەنی و سیاسیی کوردستانی باشوور لە لایەن عەلی سیاسی یەوە خوێندرایەوە، دواتر چالاک و چاوەدێری سیاسی، هادی عەزیزی لەو پێوەندییەدا، بۆ ئامادەبووان ئاخاوت، دواتر سیروان گەردی لەلایەن رێکخراوی “ئاسوودە” وە، لەمبارەوە چەند وتەیەکی پێشکەش بە ئامادەبووان کرد.
