نووسینی: کیومەرس شاناز
ماوەیەك پێش ئێستاو لە كاتی گەڕانەوەی ڕێكخەری گشتیی گۆڕان بۆكوردستان، نەوشیروان مستەفا بە پەلە و بێ وردبوونەوەی پێویست و لێكدانەوەی هەموو لایەنەی ڕێكەوتنەكەو دەرهاوێشتەو ئەو دەرئەنجامە كە ئەم ڕێكەوتنە بەپەلە دەتوانێت ببێت، ڕێكەوتن واژۆكرا. لەڕاستیدا ماوەی نزیك بە ساڵێك بوو بزووتنەوەی گۆڕان بەهۆی سیاسەتی هەڵەی خۆی و زێدەخوازیی ڕێكخەرەكەیەوە و هەروەها فام نەكردنی واقعی سیاسی كوردستان و باڵانسی هێزەكانی ئامادە لە پرۆسەی سیاسەت و دەسەڵاتی باشووردا گۆڕان بەتەواوەتی فەلەج بوو. ئەم فەلەج بوونە بە ڕادەیەك بووكە گۆڕان بە واقع و لە كردەدا كەوتە دەرەوەی بازنەی پرۆسەی سیاسی كوردستان. سەرەڕای ئەمە هەڵوێستە هەڵەو خوێندنەوە ناواقعی و تووند ئاژۆكانی كۆی پرۆسەی سیاسیی باشووری خستە مەترسیەوە، ئەم مەترسیە بە ڕادەیەک گەورەو فراوان بووكە هێزەكانی دیكەی بازنەی دەسەڵات ودەوڵەتی هەرێمی خستە قەیران و كێشەیەكەوە كە نە قەیرانی ئەوان و نەكێشەی خوازراویان بوو، لەم هێزانە دەتوانین ئاماژە بە یەكێتی نیشتمانی و یەكگرتوی ئیسلامی بدەین. ڕوونە كە دەسەڵات وجوگرافیای بوون و ڕۆڵی یەكێتی و یەكگرتوو جیاوازە، ئەوانەی كە چاودێری گۆڕانكاری وپرۆسەی سیاسیی باشووریان كردبێت دەزانن كە كەسانی سیاسی و خاوەن هزری ناو یەكێتی سەرەڕای ئەو گلەو گازەندانەش كە لە پارتی بوویان تیدەكۆشان هەرێم بە ئارامی و مەنتقی گونجاو و ئاسانگیری لە قەیران وگرفت وهەڵشێوان بپارێزن و ڕێگا نەدەن دەسەڵات وحكومەتی هەرێم بكەوێتەبەرهەڕەشەی هەڵوەشانەوەی سیاسی و قەیرانی ئابووری وگرفتی ستراتیژیك.
شەڕی داعش، دابەزینی داهاتی نەوت، بڕینی بووجەی هەرێم، فیت وپیلانەكانی دراوسێكانی كوردستان و چاوچنۆكی و تەنگژەسازیی كۆماری ئیسلامی ئێران، بۆخۆیان كۆ گرفتێ بوون وهەن كە ئیتر مەودایان نەدەداكە قەیران وگرفتێ تر بۆهەرێم سازبێت و،بێتە سەریانە .
بەداخەوە سەرانی گۆڕان بێ گوێ دانە ئەم دۆخەو بە پێداگری لەسەر سڕینەوەی پارتی وبە لۆژیكی خۆ سەپاندن دەستیان بردبۆ كێشەی سەرۆكایەتی هەرێم و، پارلەمان لە ناوەندێكی ڕامیاری یاسا دانانەوە كرایە بڵندگۆی مەزاتی سیاسی وسەرۆكی پەرلەمان زۆر سكتاریستانەو، خۆ سەپێنانە كەوتەگرفت سازی. سەرۆكی پارلەمان دوور لەهەڕلۆژیكێكی سیاسی وئەقڵانیەتی گونجاو،كەوتە سوككردنی پارلەمان وهەڵمەت بۆ سەر ئیرادەو دەسەڵاتی پاڕتی كەبەرئەنجامەكەی ئەوەبووكە ڕوویداو پەرلمان بەسراو پرۆسەی سیاسی باشوور ڕاگیرا. لەم دۆخەداولەكاتێكاكەیەكێتی دەیوویست دۆخەكە ئارام کاتەوەو بە لۆژیکی گونجان وباڵاتربوونی بەرژەوەندی نەتەوەیی وئاسانگیری ئەم دۆخە هێوركەنەوەو بگەنە ئەنجامێكی وا كە خوازراوی هەموولایەک بێت، بەپارتیشەوە.
بەداخەوە هەرلەم چركەساتەدا گۆڕان بە سەپاندنی ڕێكەوتن بەسەر یەكێتی دا دیسان پرۆسەكەی هێنایەوە خاڵی سفر. ئەو باڵەی ناویەكێتی كە ئەم ڕێكەوتنەی مۆركرد، لە ڕاستیدا خۆی بەدەستی خۆی خۆی كردە بەشێك لە قەیران و كێشەیەک كە قەیران وكێشەی ئەو نەبوو. گۆڕان خۆی لە ئیفلیجی ڕزگار كردو بە هێزی یەكێتی دەیەوێت شەڕی زێدەخوازیەكانی خۆی لەگەڵ پارتی بكات ، لە مێژبوو ڕێكخەری گۆڕان خۆی بۆ قووتدانی یەكێتی ودروستكردنی دووئیدارەی ماتكردبوو، لە ڕاستیدائەم ڕێكەوتنە دەرفەتی گونجاوی بۆ ئەم دوو ویستە دایە نەوشیروان مستەفا ئەگەر دڵسۆزانی یەكێتێ و خەتی مام جە لال وئاشتی ویستانی ئەم هێزە زوو بەر بەم ڕەیکەوتە نەگرن. لە ڕاستیدا ئەم ڕێكەوتنە لە چەند ڕووبەردا تەنیا بۆ توانەوەی یەكێتی ودوو ئیدارەیی و خستنە مەترسی ئەزموونی هەرێمە .
پارتی هاوپرۆژەیی گۆڕان ویەنەك وهێزەكانی دیكەی لەپەرلەمان بە پیلان وهەوڵ بۆ شكانی ئیرادەی خۆی دەدیت. ئێستا ڕێك ئەم ڕێكەوتنە ئەوەدەڵێت كاتێ كە دەیانە وێت فراكسوێنەكانی یەكێتی وگۆڕان لە پارلەمانی هەرێم یەكخەن، دەست بردن بۆ هەندی شت كە كاری یاسای بنەڕەتیە وەك سیستەمی سیاسی داهاتووی هەرێم كە كاری ڕێكەوتنی دووحیزب نیە ،كێشەی سەرۆكایەتی هەرێم هەم سیستەمی یە هەم توڕەكردنی پارتیە. لەكاتێكاكە فازی سێهەم هەیە وگەڕانەوەیە بۆ ڕای گەل ، داخوازی ئاكتیڤ كردنەوەی پارلەمان هەروەك جاران وبە یوسف محەمەدەوە كە، پارتی نەچووەتە ژێرباری ونەدەچێت، بۆیە هەمووكەسی بێ لایەن دەزانێ ئەمە پرۆژەی گۆڕانە وڕێكەوتن نیە.
بەستێن خۆشکردن بۆ شەڕو دووئێدارەی وقووتدانی یەكێتیە لە ڕاستیدا، ئەم پرۆسەیە هەرواش ئاسان بۆ گۆڕان ناچێتەسەر ئەوگۆڕانەی كە مام جەلای بە مردوو دەزانێ ویەكێتی بە دزوگەندەڵ و سەركردە بەرچاوەكانی بە فاسد، گۆڕان بەرگرەكانی خۆی لەناو یەكێتی دەناسێت و دەخوازێ لە ناویەكێتی دا لایان دات و ناڕازییەكانی ناوخۆشی بسڕێتەوە و لایەنی توڕەی پارتیش وا لێ بكات كاردانەوەی تووندی هەبێت، بۆیە دەبێت ئەم سێ لایەنە، وریاو پشوودرێژ و بە پرۆژەبن تا گۆڕانی نەوشیروان نەتوانێ هەرێم بەرەو وێرانی بەرێت.
